2 Kronikɛls 9:23 - EBƆRƐ BE KAWƆL

²³ Bewura kikɛ daa ba mo kutɔ nna m baa kaa a nu mbe kanyiasheŋ be mmalga nɛ Ebɔrɛ ta n sa mo na.

2 Kronikɛls 9:23 ပူးပေါင်းရင်းမြစ်များ

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Bewura 4:34

Durnya be bewura kikɛ nu mbe kanyiasheŋ be asheŋ nseŋ shuŋi basa nɛ b ya nu mbe kanyiasheŋ be mmalga.

2 Kronikɛls 9:22

Ewura Sɔlɔmɔn daa kɔ kedamaya nɛ kanyiasheŋ a chɔ ewura kikɛ durnya to.

2 Kronikɛls 9:24

Bewura nɛ baa ba mo kutɔ na be ekama daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ akɔsɔ nɛ asɔ nɛ a kɔ efɛa belbelso nɛ egbaŋɛ nɛ ekurma. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Danɛl 1:17

Ebɔrɛ daŋ sa mbrantiɛfɔlbi ana na nwɔl be kenyi nɛ asheŋ be kepinto nna, nseŋ ta kebaa tiŋ a kute bɔrɛdare nɛ edare gbagba be afito be kenyi n ti Danɛl bre so.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 12:8

Kiyoyu na bee kaa sa esa ko kanyiasheŋ be kamalga be kakɛ nna ŋkaa sa eko malɛ nfɛra mo nɛ a shi mo gbagba kutɔ nɛ e malga be kakɛ.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.