2 Kronikɛls 9:21 - EBƆRƐ BE KAWƆL

²¹ Ewura Sɔlɔmɔn daa kɔ nchu so be ekuloŋgboŋ damta nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a bɛta a ba.

2 Kronikɛls 9:21 ပူးပေါင်းရင်းမြစ်များ

1 Bewura 10:22

Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

1 Bewura 22:48

Ewura Jehoshafat daŋ shin nna nɛ b lɔŋɛ nchu so be ekuloŋgboŋana, nɛ b ba ta a yɔ Ɔfir be kasawule so n ya kaa tɔ shuwa, ama a daŋ mur ashi Eziɔngɛba nna. A daŋ maŋ tiŋ n nite nchu so kikɛ.

2 Kronikɛls 8:18

Ewura Hiram daŋ shin nna nɛ mbe basa nɛ b nyi nchu to be asheŋ nɛnɛ na ta ekuloŋgboŋana ko m ba sa ewura Sɔlɔmɔn. Bumo nɛ Sɔlɔmɔn be basa e daŋ bɔla nchu so n yɔ efuli nɛ baa tre Ɔfir na. B ka bɛta a ba, nɛ b bar ewura Sɔlɔmɔn shuwa nɛ amo be egbɛ sa fanɛ kilo ŋgboŋ kuduanu.

2 Kronikɛls 9:20

Shuwa lela nɛ b daŋ ta n lɔŋɛ ewura Sɔlɔmɔn be asɔ nuu nchu nɛ laŋ to be asɔjito nɛ a wɔ mbe laŋ to be ebugboŋ nɛ baa tre Lebanɔn be kupo na to. Ewura Sɔlɔmɔn be jemanɛ so b daa maa keni gbiti a bɔlɔ kenishi ŋkpal shuwa ka daŋ chase kaplɛkama so.

Job be kawɔl 39:13

Nyiŋgbeŋ bee ber atɛ to manaŋ manaŋ ga, ama kumo alɛ maaŋ tiŋ n firgi n fo tɔkɔrkɔ so.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Jɛremaya 10:9

Edimɛdi e naa lɔŋɛ agbir. Eshɛlpo e naa ku kedibi n shɛl, nɛ basa nɛ b nyi enɔ to be kushuŋ fanɛ ebɔyɛpo malɛ e ŋalga shuwa nɛ k shi Ufaz be efuli so ŋko gbiti nɛ k shi Speen be efuli so n wurge kedibi nɛ e shɛl na so. Kumo be kaman nɛ basa nɛ b nyi kananɛ baa ba asɔbuuso e ta wajɛchɛbi nɛ b nyɔɔ buru nɛ kepeper kunɔkunɔ m ba asɔbuuso m buu kedibi shɛlso na nɛ k ki kegbir.

Ezikɛl 27:12

Fo nɛ Speen be efuli so be basa daŋ ji yawu nna nɛ b ta gbiti nɛ abɛlso nɛ anyembi nɛ epal kikɛ ŋ ka fo asɔ damtaana be kukɔ.

Ezikɛl 27:15

Roodis be efuli so be basa gba daŋ tu fo n ji yawu nɛ basa nɛ b chena teku be ekarso be efuli damtaana ta ejebotenyi nɛ ndibi lembir lela ga n chɛr fo asɔ.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.