2 Kronikɛls 9:19 - EBƆRƐ BE KAWƆL

¹⁹ Ebuluŋ be mpɔrduli kuduanyɔ e daa yil atemprembi ashe na ase. Ketemprembi kama be kaba kama daa kɔ buluŋ be kapɔrduli nna m mata kumo. Loŋ be ewura be echenakpa na be kaduli maŋ wɔ efuli kikɛ so.

2 Kronikɛls 9:19 ပူးပေါင်းရင်းမြစ်များ

2 Kronikɛls 9:18

Atemprembi ashe nɛ baa dii so a yɔ kuwurputi na be echenakpa. B daŋ ta shuwa nna mata kabɛ nɛ mbe aya bee yili so nɛ echenakpa na be kakpa nɛ enɔ bee deŋi so na kikɛ nna. Ebuluŋ be mpɔrduli malɛ daa yil kuwurputi na be bena nɛ jisoso kikɛ nna.

2 Kronikɛls 9:20

Shuwa lela nɛ b daŋ ta n lɔŋɛ ewura Sɔlɔmɔn be asɔ nuu nchu nɛ laŋ to be asɔjito nɛ a wɔ mbe laŋ to be ebugboŋ nɛ baa tre Lebanɔn be kupo na to. Ewura Sɔlɔmɔn be jemanɛ so b daa maa keni gbiti a bɔlɔ kenishi ŋkpal shuwa ka daŋ chase kaplɛkama so.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Kelaraŋŋini 21:12

Kade na daa kɔ egbal gboŋgboŋi ko nna nsaa kɔ mbuna kuduanyɔ nɛ emalaika kuduanyɔ yil a keni amo so. B daŋ sibɛ Israɛl be nnaŋ kuduanyɔ na be ekama be ketre nna n deŋi kabuna kama so.