2 Kronikɛls 9:10 - EBƆRƐ BE KAWƆL

¹⁰ Ewura Sɔlɔmɔn daŋ sa Shɛba be ewurche na kusɔ kama nɛ e daa sha nna. Asɔ nɛ ewura Sɔlɔmɔn daŋ sa mo na daa chɔ kakɛ nɛ ewurche na daŋ bar mo na. Ade be kaman nɛ Shɛba be ewurche na nɛ mbe basa bɛta n yɔ bumo be efuli so.

2 Kronikɛls 9:10 ပူးပေါင်းရင်းမြစ်များ

1 Bewura 10:11

Ewura Hiram nɛ e daa la kadegboŋ nɛ baa tre Tayɛ na be ewura be ekuloŋgboŋana nɛ a shi Ɔfir na gba daŋ sulɔ shuwa nɛ ndibi nɛ baa tre Junipa na be abaŋɛso nɛ yawu kpakpaso be abitasɔ nna m ba.

1 Bewura 10:22

Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

2 Kronikɛls 2:8

N nyi fo basa nɛ baa ku ndibi na ka nyi bumo be kushuŋ nɛnɛ, amoso mee kule fo nna nɛ fo sa ma ndibi nɛ baa tre sida na nɛ ndibi nɛ baa tre seprɛs na nɛ ndibi nɛ baa tre junipa nɛ a wɔ Lebanɔn na be ndishaŋ. N wora shiriya nɛ n shuŋi ma basa nɛ b ba chɛ fo basa to

2 Kronikɛls 8:18

Ewura Hiram daŋ shin nna nɛ mbe basa nɛ b nyi nchu to be asheŋ nɛnɛ na ta ekuloŋgboŋana ko m ba sa ewura Sɔlɔmɔn. Bumo nɛ Sɔlɔmɔn be basa e daŋ bɔla nchu so n yɔ efuli nɛ baa tre Ɔfir na. B ka bɛta a ba, nɛ b bar ewura Sɔlɔmɔn shuwa nɛ amo be egbɛ sa fanɛ kilo ŋgboŋ kuduanu.

2 Kronikɛls 9:11

Ewura Hiram nɛ ewura Sɔlɔmɔn be basa nɛ baa shuŋ nchu so na shi efuli nɛ baa tre Ɔfir na nna m bar ewura Sɔlɔmɔn shuwa nɛ ndibi nɛ baa tre junipa na nɛ abitasɔ.

2 Kronikɛls 9:9

Ewurche na daŋ ta shuwa kilo ŋgboŋ ana nɛ abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Asɔ nɛ a kɔ efɛa belbelso kikɛ daa maŋ walɛ n fo amo nɛ Shɛba be ewurche na ta m ba sa ewura Sɔlɔmɔn na so”.

Aŋasa 31:14

E du fanɛ yawujipo nna a fin ajibi kaplɛkama a ba epe.