2 Kronikɛls 8:5 - EBƆRƐ BE KAWƆL

⁵ E daŋ naŋ lɔŋɛ m pɔr Bɛf Hɔrɔn nɛ k wɔ esoso be kaba so na nɛ Bɛf Hɔrɔn nɛ kumo alɛ wɔ kaseto be kaba so na nseŋ shin nɛ b pɔr egbal ŋ kulti amo nseŋ wɔtɔ amo be mbunagboŋana kikɛ abersobi.

2 Kronikɛls 8:5 ပူးပေါင်းရင်းမြစ်များ

1 Bewura 9:17

Ndoŋ nna nɛ Ewura Sɔlɔmɔn shin nɛ b naŋ lɔŋɛ kumo nɛ Bɛf Hɔrɔn nɛ k wɔ kaseto be kaba so na,

1 Kronikɛls 7:24

Efrayim pibiche e daa la Sheera. Mo e daŋ pɔr Bɛf Hɔrɔn be kelargato be esoso nɛ kaseto be kaba so be ndeana na nɛ Uzzen Sheera.

2 Kronikɛls 14:7

Le nɛ e daŋ kaŋɛ Juda be basa: “Men shin nɛ an pɔr atempreŋ jeŋgreŋ nseŋ pɔr egbalana ŋ kulti anyi be ndeana, nseŋ wɔtɔ amo ekuloŋgboŋ nɛ anyeeŋ baa ti nsaa ta ndibi gboŋgboŋi a laga amo to. An kɔ kasawule na so be eleŋ. Ŋkpal an ka bee wora Enyɛnpe Ebɔrɛ be aparsheŋ so, E kuŋ anyi be ŋkpa ekpa kikɛ so.” Amoso b daŋ pere kenishi nna m pɔr ga nseŋ nya nɛfa malɛ ga.

2 Kronikɛls 8:4

E daŋ shin nna nɛ mbe beshumpo lɔŋɛ m pɔr kade nɛ baa tre Tadmɔ nɛ k wɔ keshishɛrsawule so na nɛ nde nɛ a wɔ Hamaf nɛ e bee yili mbe ajibi ndoŋ na.

2 Kronikɛls 8:6

Loŋ koŋwule na nɛ e wora n sa Baalaf nɛ nde nɛ e bee ta ajibi nɛ egbaŋɛturko nɛ egbaŋɛ a yili na. Ewura Sɔlɔmɔn daŋ shin nna nɛ mbe beshumpo pɔr asɔ nɛ e bee sha n yili Jerusalɛm nɛ Lebanɔn nɛ mbe efuli so be kaplɛkama.

Joshuwa 16:3

nseŋ kilgi n sɔ epeŋitɔrkpa n yɔ Jaflɛtebi be kaba so hale n ya fo Bɛf Bɔrɔn nseŋ naŋ yili ndoŋ n yɔ Gɛzɛr n ta n ya fo Mɛditerenia be Teku na kikɛ.

Joshuwa 16:5

Le be kasawule ere e daa la Efrayim be kanaŋ to ebi peya. Bumo be kasawule be ekar fara Atarɔf Ada ashi epeŋilarkpa be kaba so n ya fo Bɛf Hɔrɔn