2 Kronikɛls 8:14 - EBƆRƐ BE KAWƆL

¹⁴ Kananɛ mo tuto ewura Deevid nɛ e la Ebɔrɛ be esa na daŋ kaŋɛ mo na, nɛ mo alɛ gba bɛ so nseŋ nyiŋi m barga kushuŋ na to n sa bɔrɛmatapoana nɛ Livaiebi nɛ baa chɛ bɔrɛmatapoana to a boŋ nshɛ nseŋ naa chɛ bumo to a shuŋ karechɛ kikɛ na. E daŋ barga bɔrɛlambu na be mbuna be bekenipo na to ntuŋ ntuŋ so nna n yili nɛ baa shuŋ mbunagboŋ na be kekama ekpa karechɛ kikɛ.

2 Kronikɛls 8:14 ပူးပေါင်းရင်းမြစ်များ

2 Samuɛl 23:2

Enyɛnpe Ebɔrɛ be kiyoyu na e naa kaŋɛ ma kusɔ nɛ meeŋ malga.

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

1 Kronikɛls 16:37

Ewura Deevid daŋ lara Asaf nɛ Livaiebi nɛ b la kabuna koŋwule ebi na nna fanɛ b baa keni kakpa nɛ ŋkre be deka na yil na be kushuŋ so karechɛ kikɛ.

1 Kronikɛls 16:42

Heman nɛ Jedutum malɛ gba e daŋ naa foŋ mbel nsaa laŋ echakachaka nɛ alaŋsɔ nɛ baa laŋ nsaa boŋ nshɛ a di Ebɔrɛ epaŋ jemanɛ kikɛ. Basa nɛ b shi Jedutum be kabuna na e daa keni bumo be mbunaana so.

1 Kronikɛls 23:1

Deevid ka bel, nɛ e ta mo pibinyɛn Sɔlɔmɔn ŋ ki Israɛl be ewura.

1 Kronikɛls 24:1

B daŋ barga Ɛɛrɔn be kaman to ebi to ntuŋso nna. Ɛɛrɔn daa kɔ mbinyɛnsobi ana nna. Bumo e daa la: Nadab nɛ Abihu nɛ Eliaza nɛ Itama.

1 Kronikɛls 24:3

Ewura Deevid daŋ barga Ɛɛrɔn be kaman to ebi na to ntuŋso ntuŋso nna a laŋɛ bumo be kushuŋ be kaplɛa so. Eliaza mo nanabi Zadɔk nɛ Itama mo nanabi Ahimɛlɛk e daŋ chɛ Deevid to m barga bumo to.

1 Kronikɛls 25:1

Ewura Deevid nɛ Livaiebi be bejuŋkparpoana daŋ lara Asaf nɛ Heman nɛ Jedutum nna fanɛ b baa la bɔrɛlambu to be beshɛbompo. Bumo e naŋ baa laŋ ejaŋjilaŋ nɛ echakachaka nɛ egoji a maŋkura Ebɔrɛ nsaa juŋkpar basa a bunyaŋ Ebɔrɛ. Basa nɛ b lara fanɛ b baa juŋkpar basa a bunyaŋ Ebɔrɛ na be atre nde.

1 Kronikɛls 26:1

B daŋ yili mbuna mbuna so nna mbarga bɔrɛlambu na to be bekumpo na to ntuŋ ntuŋ so. Koora pibinyɛn Mɛshɛlemiya nɛ e shi Koora be kabuna na daa la Asaf be kenana nna.

1 Kronikɛls 28:19

Kumo be kaman nɛ ewura Deevid naŋ kaŋɛ Sɔlɔmɔn le: “Kananɛ Enyɛnpe Ebɔrɛ ŋini ma bɔrɛlambu na be kananɛ k daga fanɛ b pɔr kumo nna na.”

1 Kronikɛls 9:17

Bɔrɛlambu na be mbuna be bekumpo e daa la: Shallɔm nɛ Akuub nɛ Talmɔn nɛ Ahiman. Bumo be ejuŋkparpo e daa la Shallɔm.

1 Kronikɛls 9:24

Mbuna na be kuko daa wɔ kelargato be esoso be kaba so nna nɛ kuko wɔ kelargato be kaseto be kaba so nɛ kuko wɔ epeŋilarkpa be kaba so nɛ kuko malɛ wɔ epeŋitɔrkpa be kaba so, nɛ amo alɛ be kekama kɔ kumo be bekumpo be enimu.

2 Kronikɛls 23:19

Ewura Jehowada daŋ ta bekumpo nna nɛ baa keni bɔrɛlambu na be mbunaana so saŋɛ na so basa kama nɛ b kɔ eyurpi daŋkare be ekpa so na, maaŋ luri kumo to.

2 Kronikɛls 23:4

Ama kusɔ nɛ k daga an ka wora nde. Bɔrɛmatapoana nɛ Livaiebi na kaŋ ba kushuŋ to kewushiachɛ ere, kananɛ b barga bumo to ntuŋ asa so na be katuŋ koŋwule e naaŋ baa keni bɔrɛlambu na be mbunaana so,

2 Kronikɛls 29:25

Ewura na daŋ bɛ keŋini nɛ Enyɛnpe Ebɔrɛ daŋ bɔla anebi Gad nɛ nɛ anebi Neetan so ŋ kaŋɛ ewura Deevid na so nna n shin nɛ Livaiebi na ta ejaŋjilaŋ nɛ echakachaka a wɔ bɔrɛlambu na to.

2 Kronikɛls 31:2

Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.

2 Kronikɛls 35:10

B ka daŋ bela kusɔ kama ase n loge nsaa shin nɛ b ji kebansonchoŋ be kejigboŋ na, nɛ bɔrɛmatapoana na nɛ Livaiebi na ya yili bumo be eyilikpa nɛ ewura na daŋ sa bumo na.

2 Kronikɛls 35:15

Livaiebi nɛ b la beshɛbompo nsaa shi Asaf be kabuna na bre daa wɔ kaboŋ nɛ ewura Deevid nɛ Asaf nɛ Heman nɛ Jedutum nɛ e la ewura Deevid be anebi na daŋ yili fanɛ b baa wɔ na nna. Bekumpo nɛ baa keni bɔrɛlambu na be mbuna so na gba daa maŋ yige bumo be ashuŋ, ŋkpal bumo braana Livaiebi na ka shuŋ kebansonchoŋ be kejigboŋ na be kushuŋ n sa bumo so.

2 Kronikɛls 35:4

Men wora shiriya mbuna mbuna so n shuŋ kushuŋ nɛ ewura Deevid nɛ mo pibinyɛn ewura Sɔlɔmɔn sa menyi na,

2 Kronikɛls 5:11

Bɔrɛmatapoana na kikɛ daŋ lara kulubi bumo be ŋgbene to nna nsaa du cheembi. Katuŋ nɛ bumo be ekama daa wɔtɔ to na be asheŋ daŋ maŋ tir bumo. Asaf nɛ Heman nɛ Jedutum nɛ bumo be kabuna be basa nɛ b la Livaiebi na e daa la beshɛbompo. B daa buu ago be kechɛbi lela be asɔbuuso nna. Livaiebi na daŋ yili bɔrɛsure na be epeŋilarkpa nna a laŋ echakachaka nɛ ejaŋjilaŋ nɛ bɔrɛmatapoana kalfa nɛ adunyɔ malɛ bee foŋ mbel. Beshɛbompoana na ka bee boŋ nshɛ a maŋkura Enyɛnpe Ebɔrɛ na nɛ basa nɛ baa foŋ mbel na nɛ bumo nɛ baa laŋ echakachaka nɛ alaŋsɔ be yiri kikɛ na bee laŋ a kukwe nshɛ na so. Beshɛbompoana na daa boŋ nshɛ a maŋkura Enyɛnpe Ebɔrɛ na nna a kaŋɛ le: “Men maŋkura Enyɛnpe Ebɔrɛ na, ŋkpal manɛ so e walɛ, nɛ mbe kasha malɛ wɔtɔ mbaanaayɔ.” Bɔrɛmatapoana na ka bee lar bɔrɛlambu na to na, nɛ Enyɛnpe Ebɔrɛ bɔla kuwɔlpa to m luri m bɔlɔ bɔrɛlambu na to epul to a nyɛkpɛ so pɛlpɛl nɛ b maŋ naŋ tiŋ m bunyaŋ mo gba.

2 Kronikɛls 8:15

B daŋ bɛ asheŋ nɛ ewura Deevid daŋ kaŋɛ bɔrɛmatapoana nɛ Livaiebi na a laŋɛ ajibi be ebuana nɛ asheŋ ko ana gba be kaplɛa so nna dede.

Ɛzra 6:18

B daŋ ŋini bɔrɛmatapoana na nɛ Livaiebi na ashuŋ nɛ baŋ baa shuŋ bɔrɛlambu na to ashi Jerusalɛm to fanɛ kananɛ anebi Mosis be mbra bee ŋini na nna.

Nehemaya 12:24

Hashabia nɛ Sherebia nɛ Kadmɛl pibinyɛn Joshuwa nɛ Binui nɛ basa nɛ baa sɔ bumo so a boŋ nshɛ na e daŋ juŋkpar Livaiebi na be ntuŋ anyɔ m boŋ kapandi be nshɛ m maŋkura Ebɔrɛ fanɛ kananɛ Ebɔrɛ be kayɛrbi ewura Deevid daŋ yili kumo na.

Nehemaya 12:25

Mataniya nɛ Bakbukia nɛ Obadaya nɛ Mɛshulam nɛ Talmɔn nɛ Akuub e daa la basa nɛ b daa keni ebuana nɛ baa yili asɔ amo to ashi bɔrɛlambu na be mbuna ase na so.

Nehemaya 12:36

nɛ Shamaya nɛ Azarɛl nɛ Mikalai nɛ Gilalai nɛ Maai nɛ Netanɛl nɛ Juda nɛ Hanani kikɛ keta alaŋsɔ a laŋ a bɛ Ɛzra nɛ e la mbra ŋinipo na so. Alaŋsɔ na barkasa nɛ Ebɔrɛ be kenya ewura Deevid daŋ laŋ dra dra na.

Luuk 1:5

Jemanɛ nɛ Ewura Hɛrɔd daa ji kuwura ashi Judiya be efuli so na, bɔrɛmatapo ko daa wɔtɔ nɛ baa tre mo Zakareya. E daa la Abija be bɔrɛmatapoana be katuŋ na to be eko nna. Mbe eche be ketre e daa la Elizabɛt. Mo alɛ gba daŋ shi bɔrɛmatapoana be kanaŋ to nna, Ɛɛrɔn be kanaŋ to.

Luuk 1:8

Saŋko nɛ bɔrɛmatapoana be daŋkare be kushuŋ na tɔr katuŋ nɛ Zakareya daa wɔ na to ebi so nɛ k ba fanɛ Zakareya e ya kaa shuŋ mbe kushuŋ Ebɔrɛ be anishito ashi bɔrɛlambu na to.

Ashuŋ Shunso 13:22

Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ: