2 Kronikɛls 8:11 - EBƆRƐ BE KAWƆL

¹¹ Ewura Sɔlɔmɔn be eche nɛ e la Ijipt be ewura pibiche na, daŋ koso Jerusalɛm be kaba ko nɛ baa tre Deevid be kade to na nna n yɔ ewura be laŋ popɔr nɛ Sɔlɔmɔn pɔr na to. B ka daŋ ta Enyɛnpe Ebɔrɛ be ŋkre be deka na n ya yili Deevid be kade to na, kumo be loŋ e daŋ shin nɛ ewura be laŋ na ki cheembi nɛ ewura Sɔlɔmɔn be eche na maŋ naŋ tiŋ n chena kumo to.

2 Kronikɛls 8:11 ပူးပေါင်းရင်းမြစ်များ

1 Bewura 3:1

Ewura Sɔlɔmɔn nɛ Ijipt be ewura daŋ wora kɔnɔkoŋwule nna nɛ Sɔlɔmɔn ta Ijipt be ewura na pibiche. E daŋ ta mo nna m ba chena Jerusalɛm ewura Deevid be kade to hale n ya fo saŋɛ so nɛ e pɔr mbe laŋ nɛ bɔrɛlambu na nɛ egbal nɛ k kulti Jerusalɛm na kikɛ n loge.

1 Bewura 7:8

Kuwurlaŋ na be kakpa nɛ ewura Sɔlɔmɔn gbagba wɔ na, daa wɔ lambu nɛ baa tre demuji na be kaman to nna nseŋ duli lambu na. E daŋ shin nna nɛ b pɔr laŋ nɛ k du fanɛ kumo nɛ e wɔtɔ na gbagba n sa mbe eche nɛ e la Ijipt be ewura Fɛɛro pibiche na.

1 Bewura 9:24

Ewura Sɔlɔmɔn be eche nɛ e la Ijipt be ewura pibiche na, daŋ koso Jerusalɛm be kaba ko nɛ baa tre Deevid be kade to na nna n yɔ ewura be laŋ popɔr nɛ ewura Sɔlɔmɔn pɔr n sa mo na to.

2 Kronikɛls 8:10

Ewura Sɔlɔmɔn daŋ lara ekrachi alfa anyɔ nɛ adunu nna nɛ baa keni beshumpo nɛ baa pɔr mbe asɔ na kikɛ so.

Ɛksodɔs 29:43

Ndoŋ nɛ ma nɛ Israɛl be basa beeŋ baa shɛr nɛ ma kemaŋkura e shin nɛ ndoŋ e ki ma kakpa cheembi.

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Ezikɛl 21:2

“Dimɛdi pibi, Ezikɛl, kilgi fo anishi n shoŋi Jerusalɛm m malga ŋ gbiti kakpa nɛ basa na bee shuŋ be Ebɔrɛ na. Kpele Israɛl be basa kikɛ kusoe

2 Pita 1:18

Ebɔl na ka daŋ shi ebɔrɛso m ba saŋɛ nɛ anyi nɛ mo daa la kebee cheembi na so na, anyi alɛ gba daŋ nu kumo.