2 Kronikɛls 7:5 - EBƆRƐ BE KAWƆL

⁵ Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be sarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

2 Kronikɛls 7:5 ပူးပေါင်းရင်းမြစ်များ

1 Kronikɛls 29:21

Kumo be ŋklade, nɛ b mɔ asɔbɔya n lara esarga n sa Enyɛnpe Ebɔrɛ na. Kumo be kaman nɛ b mɔ egbolu kagboŋ nɛ ekpakpa kagboŋ nɛ ekpakpafɔlbi kagboŋ n chɔɔ n lara sarga bɔrɛsure na so n sa mo. B daŋ ta asɔnuuso gba n ti so n lara sarga na.

2 Kronikɛls 1:6

Ewura Sɔlɔmɔn ta asɔbɔya kagboŋ nna n chɔɔ n lara sarga danyaŋ be bɔrɛsure na so n sa Enyɛnpe Ebɔrɛ.

2 Kronikɛls 15:11

Kumo be kamɔnchɛ nɛ b daŋ ta asɔ nɛ b daŋ muu kena to ashi Gɛra na m ba lara sarga n sa Enyɛnpe Ebɔrɛ. Asɔ na e daa la ana alfa ashunu nɛ mbolpɔ nɛ mboe ŋgboŋ ashunu.

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 30:24

Ewura Hɛzekaya daŋ sa basa na egbolu kagboŋ nɛ ekpakpa ŋgboŋ ashunu nna fanɛ b mɔ n we. Nɛ benimuana na malɛ sa bumo egbolu kagboŋ nɛ ekpakpa ŋgboŋ kudu, nɛ bɔrɛmatapoana damta fɔr bumo be amu so daŋkare be ekpa so.

2 Kronikɛls 5:6

Ewura Sɔlɔmɔn nɛ Israɛlebi na kikɛ daŋ shɛr Enyɛnpe Ebɔrɛ be ŋkre be deka na be anishito nna m mɔ mbolpɔ nɛ ana damta nɛ b maŋ kɔ kekarga gba n lara sarga.

2 Kronikɛls 7:4

Ndoŋ nna nɛ ewura Sɔlɔmɔn nɛ basa na kikɛ lara esarga n sa Enyɛnpe Ebɔrɛ.

2 Kronikɛls 7:6

Israɛlebi na kikɛ daŋ niŋi to a yil nna. Bɔrɛmatapoana na daa yil kakpa nɛ b sa bumo na nna. Nɛ Livaiebi na malɛ yili ŋ kilgi anishito n shoŋi bumo nsaa laŋ alaŋsɔ nɛ ewura Deevid sa bumo na a maŋkura Enyɛnpe Ebɔrɛ a boŋ nshɛ a kaŋɛ: “Mbe kasha wɔtɔ nna mbaanaayɔ!” Bɔrɛmatapoana na malɛ daa foŋ mbel nna.

Ezikɛl 45:17

Mo e daga fanɛ e yili Israɛl be efuli na kikɛ be katelamu n lara asɔbɔya nɛ baaŋ ta n lara esarga chɔɔso nɛ baaŋ ta n lara ayu be esarga nɛ yabra belbelso be esarga na kikɛ jemanɛ nɛ baa ji Kufɔl Popɔr be Kachɛgboŋ nɛ Kewushiachɛ na nɛ nchɛgboŋ nɛ a ka na kikɛ na. Mo koŋwule na e daga fanɛ e lara asɔbɔya nɛ b ta n lara alubi nɛ ayu nɛ sarga chɔɔso nɛ kɔnɔkoŋwule be esarga nɛ e kpra Israɛl be basa be alubi.”

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Nɔmbɛs 7:10

Kachɛ nɛ baa ta bɔrɛsure na a bɔɔ Ebɔrɛ enɔ na, bejuŋkparpoana na daŋ bar bumo be ŋkɛ nna nɛ b wora kumo.

Baru lela nɛ Jɔn kute na 10:22

B wɔtɔ loŋ nɛ bɔrɛlambu na be daŋkare be nshɛr ashi Jerusalɛm ya fo. Kumo be jemanɛ daa la awo to nna.