2 Kronikɛls 7:19 - EBƆRƐ BE KAWƆL

¹⁹ Ama nɛ fanɛ fo ŋko Israɛl be basa ko kini kebɛ ma mbra so nsaa shuŋ efuli pɔtɛana so be agbir,

2 Kronikɛls 7:19 ပူးပေါင်းရင်းမြစ်များ

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 33:8

Nɛ ma basa Israɛlebi beeŋ bɛ ma mbra nɛ ma keŋini nɛ ma kayɛrbi Mosis ta n sa bumo dra dra na so bre, kumo ere maaŋ shin nɛ b ju bumo ashi kasawule nɛ n ta n sa bumo nananyɛnana na so.”

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Jɛremaya 9:13

Nɛ Enyɛnpe Ebɔrɛ na kaŋɛ le: “N daŋ mur kasawule na nna ŋkpal ma basa ka kini ma keŋini nɛ n ta n sa bumo na so nna. B daŋ maŋ wora ma kasonu ŋko n wora kusɔ nɛ kaŋɛ ŋ bumo fanɛ b wora na.

Levitikɔs 26:14

Kumo be kaman nɛ Enyɛnpe Ebɔrɛ naŋ kaŋɛ: “Nɛ men maŋ nu m bɛ ma mbraana so, menyeeŋ luri kasogberge to.

Nɔmbɛs 32:15

Men baŋ kini kebɛ Enyɛnpe Ebɔrɛ so, e beeŋ naŋ kplaŋ mbe basa so ashi keshishɛrsawule ere so nɛ bumo be alubi e baa bɛ menyi.”

Ditɛronɔmi 28:15

Kede be kaman nɛ Mosis naŋ kaŋɛ: Ama nɛ men wora kusoe kpakpaso nsaa maŋ bɛ Enyɛnpe menyi be Ebɔrɛ na mbraana nɛ n ta a sa menyi kabre ere so kashenteŋto, le be asheŋ lubi ere kikɛ e naaŋ wora menyi.

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.

1 Samuɛl 12:25

Ama nɛ fanɛ men kraŋ baa wɔtɔ a wora alubi bre, Enyɛnpe Ebɔrɛ na beeŋ mur menyi nɛ men be ewura kikɛ.”