2 Kronikɛls 7:17 - EBƆRƐ BE KAWƆL

¹⁷ Fo tuto Deevid daa kɔ kasonu nna n sa ma amoso fo alɛ gba, Sɔlɔmɔn e baa wora loŋ. Baa bɛ ma mbra nɛ ma keŋini so,

2 Kronikɛls 7:17 ပူးပေါင်းရင်းမြစ်များ

1 Bewura 11:38

Nɛ fo baa bɛ ma mbra kikɛ so, nsaa wora kusɔ nɛ mee kaŋɛ, fanɛ kananɛ ma kayɛrbi ewura Deevid daa wora na bre, ma alɛ beeŋ baa wɔ fo kutɔ saŋkikɛ. Meeŋ shin nɛ fo ki Israɛl be ewura nɛ fo kaman to ebi gba e baa kaa ji kuwura fanɛ kananɛ n wora Deevid na.

1 Bewura 2:3

n wora kusɔ kama nɛ Enyɛnpe Ebɔrɛ kaŋɛ fanɛ fo wora na, nsaa bɛ mbe keŋini nɛ mbra kama nɛ an nananyɛn Mosis sibɛ n nase na so, saŋɛ na so, kusɔ kama nɛ fee wora nɛ kaplɛkama nɛ fo yɔ, asheŋ beeŋ nyalɛ n sa fo.

1 Bewura 3:14

Nɛ fo baa nu a sa ma nsaa bɛ ma mbra so fanɛ kananɛ fo tuto ewura Deevid daa bɛ ma so na bre, ma alɛ beeŋ teŋi fo ŋkpa so.”

1 Bewura 8:25

Naniere, Enyɛnpe Israɛl be Ebɔrɛ, shin nɛ fo kɔnɔ nɛ fo nase n sa n tuto fanɛ mbe kaman to ebi e naaŋ baa ji Israɛl be kuwura, nɛ baaŋ baa wora kasonu a sa fo mbra na fanɛ kananɛ n daŋ wora na, bɔlɔ so.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 6:16

Naniere, Enyɛnpe nɛ fo la Israɛl be Ebɔrɛ, shin nɛ fo kɔnɔ nɛ fo nase n sa n tuto ewura Deevid fanɛ nɛ mbe kaman to ebi baa wora fo kasonu bre, bumo e naŋ baa ji Israɛl be kuwura na e bɔlɔ so.

2 Kronikɛls 7:16

ŋkpal manɛ so k la meya nna. Baaŋ baa shuŋ ma ndoŋ hale mbaanaayɔ, ma alɛ maaŋ yige kumo be kekeni so kikɛ.

2 Kronikɛls 7:18

saŋɛ na so ma kɔnɔ nɛ n nase n sa fo tuto fanɛ mbe kanaŋ to be esa e naŋ baa ji Israɛl be kuwura saŋkama na beeŋ bɔlɔ so.

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 119:5

Ekpa kikɛ so, n daa sha ketiŋ m bɛ fo mbraana so kashenteŋto nna!

Ezikɛl 36:27

Ma alɛ beeŋ ta ma kiyoyu n wɔtɔ menyi to nseŋ shin nɛ men bɛ ma mbraana nɛ keŋini kikɛ so kenishipereso.

Zakareya 3:7

Enyɛnpetale Ebɔrɛ na yɛ: “Nɛ fo baa wora ma mbraana kasonu nsaa shuŋ ashuŋ nɛ meeŋ baa sa fo bre, meeŋ shin nɛ fo baa keni ma bɔrɛlambu na nɛ kumo be kelɔnɛ so. Ma alɛ beeŋ baa nu fo kabɔrɛkule fanɛ kananɛ mee nu emalaika nɛ b wɔ ŋ kutɔ ere be kabɔrɛkule na.”

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”