2 Kronikɛls 7:10 - EBƆRƐ BE KAWƆL

¹⁰ Kumo be ŋklade nɛ k la kufɔl shunusopo na be nchɛ adunyɔ nɛ asa na, nɛ ewura Sɔlɔmɔn shin nɛ basa na kikɛ yɔ bumo peana. Bumo be ŋgbene daŋ fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ ewura Deevid nɛ ewura Sɔlɔmɔn so.

2 Kronikɛls 7:10 ပူးပေါင်းရင်းမြစ်များ

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

2 Kronikɛls 29:36

Ewura Hɛzekaya nɛ basa na kikɛ be ŋgbene daŋ fuli bumo nna ŋkpal Ebɔrɛ ka chɛ bumo to nɛ b wora loŋ be asheŋ na manaŋ manaŋ so.

2 Kronikɛls 30:26

Kagbenefuli daŋ baa wɔ Jerusalɛm kikɛ to nna, ŋkpal manɛ so yili ewura Deevid pibinyɛn, ewura Sɔlɔmɔn be jemanɛ so kikɛ, loŋ be asheŋ maŋ naŋ wora kikɛ.

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

2 Kronikɛls 7:11

Ewura Sɔlɔmɔn ka pɔr bɔrɛlambu na nɛ ewura be laŋ na n loge, nɛ kusɔ kama nɛ e kre n yili a yɔ amo be kaplɛa so na nite nɛnɛ,

2 Kronikɛls 7:9

B daŋ ji nchɛnshunu nna ŋkpal bɔrɛsure na be keta m bɔɔ Ebɔrɛ enɔ so nseŋ naŋ ji nchɛ ashunu malɛ ŋkpal abuu to be kebaawɔ be kejigboŋ na so n ti so. Kumo be kaman nɛ b ta kachɛ koŋwule n ti so n shɛr m bunyaŋ Ebɔrɛ.

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Nshɛ 100:2

Men baa bunyaŋ mo kagbenefuliso, nsaa boŋ kagbenefuli be nshɛ a sa mo.

Nshɛ 105:3

Men baa ji eyur nsaa bunyaŋ mbe ketre cheembi na ashi men be ŋgbene to kikɛ.

Nshɛ 106:5

Shin nɛ n ti fo basa laraso so n nyalɛ, saŋɛ na so ma alɛ gba beeŋ ji eyur fanɛ kananɛ baa ji eyur kagbenefuliso ŋkpal b ka la fo basa so na.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 92:4

Ŋkpal manɛ so, fo asheŋ woraso bee wushi ma kagbene nna, a shin nɛ mee tiŋ a boŋ nshɛ kagbenefuliso, O Enyɛnpe Ebɔrɛ.

Ɛksodɔs 18:1

Ade kikɛ be kaman nɛ Mosis mo shanyɛn Jetro nɛ e daa la Midian be bɔrɛmatapo na daŋ nu asɔ nɛ Ebɔrɛ wora n sa Mosis nɛ Israɛlebi na nɛ kananɛ Enyɛnpe Ebɔrɛ lara mbe basa Israɛlebi na ashi Ijipt be asheŋ.

Ezikɛl 45:25

Abuu to be kebaawɔ be Kejigboŋ na bee fara kufɔl shunusopo na be kachɛ kuduanusopo na nseŋ keta loŋ n ya fo nchɛnshunu. Kananɛ ewura na baaŋ lara asɔbɔya nɛ ayu nɛ ɔlifs be ŋku karechɛ kikɛ jemanɛ nɛ b daa ji Kebansonchoŋ be Kejigboŋ na, aloŋ nɛ e beeŋ naŋ lara amo kede gba to.”

Ashuŋ Shunso 16:34

E daŋ yɛr Pɔɔl nɛ Sailas mo pe nna n ya sa bumo ajibi. Mo nɛ mbe eche nɛ bibi be ŋgbene daŋ fuli bumo ga ŋkpal b ka yirda Ebɔrɛ naniere so.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.