2 Kronikɛls 7:1 - EBƆRƐ BE KAWƆL

¹ Ewura Sɔlɔmɔn ka kule Ebɔrɛ n loge, nɛ edɛ shi esoso m ba chɔɔ sarga nɛ b lara na. Ndoŋ nna nɛ Enyɛnpe Ebɔrɛ be kefulto nyaŋɛ n fulto bɔrɛlambu na kikɛ to.

2 Kronikɛls 7:1 ပူးပေါင်းရင်းမြစ်များ

Jɛnesis 15:17

Ade kikɛ be kaman epeŋi ka tɔr nɛ kaboŋ biri to nɛ kapuliya nɛ edishi bee lar kumo to nɛ kabulpi suseso ko ba choŋ n lar epul na to m ba bɔla eblaŋ na be nfɛato n choŋ.

1 Bewura 18:24

Kumo be kaman nɛ fo shin nɛ Baal be agbirwuraana na e kule bumo be kegbir nɛ ma alɛ e kule Enyɛnpe Ebɔrɛ na. Bumo be emo nɛ e beeŋ nu kekule n shin nɛ edɛ e ba na e la Ebɔrɛ.” Nɛ basa na cha awɔr fanɛ b wora loŋ.

1 Bewura 18:38

Epul na to nɛ Enyɛnpe Ebɔrɛ shin nɛ edɛ ba chɔ sarga na nɛ ndibi na nɛ ajembu na nɛ shishɛr na, nɛ nchu nɛ a wɔ kemaŋ nɛ b kur ŋ kulti sarga na kikɛ feeto kuraa.

1 Bewura 9:1

Ewura Sɔlɔmɔn ka pɔr bɔrɛlambu na nɛ ewura be laŋ na nɛ kusɔ kama nɛ e bee sha na n loge,

1 Kronikɛls 21:26

E daŋ pɔr bɔrɛsure ndoŋ nna n sa Enyɛnpe Ebɔrɛ nseŋ lara esarga chɔɔso nɛ kɔnɔkoŋwuleso be esarga, nɛ Enyɛnpe Ebɔrɛ shin nɛ edɛ shi esoso m ba chɔɔ sarga na ashi bɔrɛsure na so.

Nshɛ 26:8

Mee sha fo bɔrɛlambu na, nɛ kakpa nɛ fo kemaŋkura wɔ ga na.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 29:43

Ndoŋ nɛ ma nɛ Israɛl be basa beeŋ baa shɛr nɛ ma kemaŋkura e shin nɛ ndoŋ e ki ma kakpa cheembi.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Ezikɛl 43:5

Kumo be kaman, nɛ Enyɛnpe Ebɔrɛ na be Kiyoyu keta ma n luri bɔrɛlambu na be laŋ be epunto be kelɔnɛ so nɛ n ya wu fanɛ Enyɛnpe Ebɔrɛ na be kemaŋkura sɔ bɔrɛlambu na to kikɛ.

Ezikɛl 44:4

Ndoŋ nna nɛ kanyɛn na keta ma m bɔla kelargato be esoso be kabuna na to n yɔ bɔrɛlambu na be anishito nɛ n to kenishi ŋ keni nseŋ wu fanɛ Enyɛnpe Ebɔrɛ be kemaŋkura bɔlɔ bɔrɛlambu na to. Ndoŋ nna nɛ n ta ma enɔana m buu ma anishi so nseŋ kurgi kumu n yuu to.

Danɛl 9:20

N daa bugi to a kaŋɛ Enyɛnpe ma Ebɔrɛ na ma nɛ ma basa Israɛlebi be alubi nna nsaa kule mo fanɛ e naŋ lɔŋɛ m pɔr bɔrɛlambu cheembi na.

Malakai 3:4

Nɛ kumo be loŋ e shin nɛ Juda nɛ Jerusalɛm be basa be esarga nɛ b ta a bar Enyɛnpe Ebɔrɛ na e baa par mo fanɛ kananɛ a daa du dra na.

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Demujipoana 6:21

Ndoŋ nna nɛ Enyɛnpe Ebɔrɛ na be malaika na teŋi mbe kekpabi nɛ k bɔɔ mo enɔ na m beta eblaŋ na nɛ bodobodo na nɛ edɛ shi kefalta na to n suse m pɛ amo nɛ a chɔɔ m mur. Epul na to, Gidiɔn maŋ naŋ wu malaika na.