2 Kronikɛls 6:5 - EBƆRƐ BE KAWƆL

⁵ yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma ndoŋ, ma alɛ maŋ lara esa kama fanɛ e baa juŋkpar ma basa Israɛlebi.

2 Kronikɛls 6:5 ပူးပေါင်းရင်းမြစ်များ

1 Bewura 8:16

‘Yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma, ama fo Deevid nɛ n lara fanɛ fo baa juŋkpar ma basa Israɛlebi.’ ”

2 Bewura 21:4

E daŋ pɔr agbir be ebɔrɛsure ashi bɔrɛlambu nɛ Enyɛnpe Ebɔrɛ kaŋɛ fanɛ ndoŋ nɛ baaŋ baa shuŋ mo mbaanaayɔ na to nna.

1 Kronikɛls 17:5

Yili jemanɛ so nɛ n lara Israɛlebi ashi Ijipt be efuli so dra dra na m ba fo kabre, m maŋ naŋ chena bɔrɛlambu to kikɛ. Kaplɛkama nɛ n yɔ malɛ, wajɛbu to nɛ mee luri.

2 Kronikɛls 12:13

Ewura Rehoboam daŋ ji kuwura ashi Jerusalɛm nna nɛ mbe kuwura malɛ ji eleŋ ga. E daa la nfɛ adena nɛ kako nna pɔɛŋ nseŋ ji kuwura nfɛ kuduashunu ashi Jerusalɛm nɛ Enyɛnpe Ebɔrɛ lara ashi Israɛl be efuli so kikɛ fanɛ b baa bunyaŋ mo ndoŋ na. Ewura Rehoboam mo nio e daa la Naama nɛ e shi Ammɔn be efuli so na.

2 Kronikɛls 20:8

B chena kasawule ere so nna m ba pɔr bɔrɛlambu ere nɛ k baa la kemaŋkura n sa fo,

2 Kronikɛls 20:9

saŋɛ na so nɛ kena ŋko alɔ ŋko akoŋ be jɛrbi kaŋ ba bumo so, baaŋ tiŋ m ba kakpa nɛ baa bunyaŋ fo na ashi bɔrɛlambu ere be anishito m ba kule fo ashi bumo be etɔrɔ be jemanɛ nɛ fo nu nseŋ mɔlga bumo.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

2 Kronikɛls 33:4

E daŋ pɔr agbir be ebɔrɛsure ashi bɔrɛlambu, nɛ Enyɛnpe Ebɔrɛ kaŋɛ fanɛ ndoŋ nɛ baaŋ ba shuŋ mo mbaanaayɔ na, to nna.

2 Kronikɛls 33:7

E daŋ ta kegbir be kapɔrduli nna n yili bɔrɛlambu nɛ Ebɔrɛ kaŋɛ kumo be asheŋ le n sa ewura Deevid nɛ mo pibinyɛn ewura Sɔlɔmɔn na to. E yɛ: “Bɔrɛlambu ere to ashi Jerusalɛm nɛ n lara ashi Israɛl be efuli so kikɛ fanɛ b baa bunyaŋ ma kumo to mbaanaayɔ.

2 Kronikɛls 6:20

Ba keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ, ndoŋ nɛ baaŋ ba bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu ma kekule.

2 Kronikɛls 6:4

Le nɛ e daŋ kaŋɛ: “Kapandi e baa la Enyɛnpe Ebɔrɛ nɛ e la Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo fanɛ,

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

2 Kronikɛls 7:16

ŋkpal manɛ so k la meya nna. Baaŋ baa shuŋ ma ndoŋ hale mbaanaayɔ, ma alɛ maaŋ yige kumo be kekeni so kikɛ.

Ɛzra 7:16

Ta shuwa nɛ egbiti nɛ baaŋ sa fo ashi Babilɔn be efuli so na nɛ esarga nɛ basa na nɛ bɔrɛmatapoana na beeŋ lara a laŋɛ bɔrɛlambu na be kaplɛa so na gba n ti so.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Danɛl 9:19

Enyɛnpe Ebɔrɛ, nu anyi be kekule nseŋ ta an be alubi m paŋ anyi! Enyɛnpe Ebɔrɛ, wora kusɔ ko n sa anyi naniere, saŋɛ na so fo ketre beeŋ nya kemaŋkura.”

Zakareya 3:2

Ndoŋ nna nɛ Enyɛnpe Ebɔrɛ be malaika na kaŋɛ Setani le: “Enyɛnpe Ebɔrɛ na e fiɛ fo so, Setani! Enyɛnpe Ebɔrɛ nɛ mbe kasha wɔ Jerusalɛm so na e fiɛ fo so. Kanyɛn ere du fanɛ kadɛdibi nɛ b pee edɛ to nna.”

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”