2 Kronikɛls 6:30 - EBƆRƐ BE KAWƆL

³⁰ fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

2 Kronikɛls 6:30 ပူးပေါင်းရင်းမြစ်များ

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

2 Kronikɛls 6:29

kumo ere fo nu bumo be kekule. Nɛ fo basa Israɛlebi baŋ ta kagbenejija n teŋi bumo be enɔana kabɔrɛkule to n shoŋi bɔrɛlambu ere,

2 Kronikɛls 6:31

saŋɛ na so fo basa beeŋ baa bunyaŋ fo nsaa nu a sa fo ashi kasawule nɛ fo ta n sa an nananyɛnana ere so.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Nshɛ 7:10

Fo, Ebɔrɛ e la ma ekumpo. Fo e naa kuŋ kagbene koŋwulewurana kikɛ.

Aŋasa 15:11

Luwu nɛ nchaŋ gba maaŋ tiŋ ŋ ŋana Enyɛnpe Ebɔrɛ so, a bishi dimɛdi be kagbene to be nfɛra.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Ezikɛl 18:30

“Ma, Enyɛnpetale Ebɔrɛ na e naa kaŋɛ menyi Israɛl be basa fanɛ meeŋ ji menyi be ekama demu ŋkpal kusɔ nɛ e wora so. Amoso, men tuba ashi menyi be asheŋ woraso lubi to. Nɛ mannɛ aloŋ, a beeŋ yɛr menyi kemur to.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”