2 Kronikɛls 6:28 - EBƆRƐ BE KAWƆL

²⁸ Nɛ akoŋ baŋ tɔr kasawule ere so, ŋko aleblawu ko e ba ŋko afugboŋ tushiso ŋko elotɔr e ba jija bumo be adɔjibi, ŋko bedoŋ ko e ba kaa kɔ bumo kena ŋko kayurnyaŋ ŋko kulɔ ko e ba luri bumo to,

2 Kronikɛls 6:28 ပူးပေါင်းရင်းမြစ်များ

2 Bewura 8:1

Elaisha daŋ kaŋɛ Shunɛm be kache nɛ mbe kebia daŋ wu nɛ mo ere Elaisha tiŋi mo na nna fanɛ e keta mbe kanaŋ n yɔ kaplɛkama nɛ e bee sha n ya chena ŋkpal manɛ so Enyɛnpe Ebɔrɛ na beeŋ shin nɛ akoŋgboŋ e tɔr kasawule na so nfɛ ashunu.

2 Kronikɛls 32:1

Ewura Hɛzekaya ka wora kasonu n sa Enyɛnpe Ebɔrɛ n wora asheŋ ere kikɛ na be kaman nɛ Asiriya be ewurgboŋ Sennakerɛb ba kɔ Juda be efuli kena. Mbe benapo daŋ kulti Juda be nde nɛ b pɔr egbal ŋ kulti na nna n wɔtɔ, ŋ kaŋɛ fanɛ b bure nde na be egbalana na n luri.

2 Kronikɛls 32:24

Jemanɛ ko ka ba fo nɛ kulɔ pɛ ewura Hɛzekaya nɛ e bee sha nɛ e wu. Ndoŋ nna nɛ e kule Ebɔrɛ nɛ Enyɛnpe Ebɔrɛ sa mo tɔɔnɛ fanɛ e beeŋ nya alenfia.

2 Kronikɛls 6:29

kumo ere fo nu bumo be kekule. Nɛ fo basa Israɛlebi baŋ ta kagbenejija n teŋi bumo be enɔana kabɔrɛkule to n shoŋi bɔrɛlambu ere,

2 Kronikɛls 7:13

Nɛ fanɛ m pɛ bɔrɛ ŋko n shin nɛ elotɔr ba ji menyi be adɔjibi ŋko n shin nɛ aleblawu ko ba ma basa so,

Jowɛl 1:11

Bedɔpo, men shin nɛ men be ŋgbene e jija menyi ga. Menyi bumo nɛ menyee dɔ ndibi sɔrso na, e boŋ to a shu. Men shin nɛ men be ŋgbene e jija menyi ga, ŋkpal men be asɔ duuso kikɛ ka mur so.

Jowɛl 2:25

Meeŋ bɛta asɔ kama nɛ benapo nɛ b du fanɛ elotɔr damta na daŋ jija na kikɛ n sa menyi. Ma Enyɛnpe Ebɔrɛ na e daŋ shuŋi elotɔr na.

Levitikɔs 26:16

meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.

Jeems 5:13

Nɛ tɔrɔ kɔ menyi to be ekama, e kule Ebɔrɛ nɛ e chɛ mo to. Nɛ ekama malɛ nɛ kagbenefuli wɔ mo to, e boŋ nshɛ n di Ebɔrɛ epaŋ.

Ruf be kawɔl 1:1

Jemanɛ nɛ demujipoana kraa juŋkpar Israɛl be efuli so ebi na be saŋko nɛ akoŋ tɔr efuli na so. Ndoŋ nna nɛ kanyɛn ko nɛ e shi Juda be kasawule so be kade nɛ baa tre Bɛtlɛhɛm na keta mbe eche nɛ mbinyɛnso anyɔ ŋ kaa n yɔ Mowab be efuli so nɛ b ya chena ndoŋ n wora nchɛnnyɔ.