2 Kronikɛls 6:20 - EBƆRƐ BE KAWƆL

²⁰ Ba keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ, ndoŋ nɛ baaŋ ba bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu ma kekule.

2 Kronikɛls 6:20 ပူးပေါင်းရင်းမြစ်များ

2 Bewura 19:16

Baŋ keni kananɛ Asiriya be ewura, Sennakerɛb tege fo, Ebɔrɛ nɛ fee sa ŋkpa na.

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

2 Kronikɛls 20:9

saŋɛ na so nɛ kena ŋko alɔ ŋko akoŋ be jɛrbi kaŋ ba bumo so, baaŋ tiŋ m ba kakpa nɛ baa bunyaŋ fo na ashi bɔrɛlambu ere be anishito m ba kule fo ashi bumo be etɔrɔ be jemanɛ nɛ fo nu nseŋ mɔlga bumo.

2 Kronikɛls 6:19

N nyɛnpe Ebɔrɛ, n la fo kayɛrbi nna, nu ma kabɔrɛkule ere nseŋ wora kusɔ nɛ mee kule ere n sa ma.

2 Kronikɛls 6:40

O Ebɔrɛ, keni anyi so nseŋ nu anyi be kabɔrɛkule nɛ anyee kule nfe ere.

2 Kronikɛls 6:5

yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma ndoŋ, ma alɛ maŋ lara esa kama fanɛ e baa juŋkpar ma basa Israɛlebi.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

2 Kronikɛls 7:15

Meeŋ nu kekule kama nɛ b kule bɔrɛlambu ere to,

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Nshɛ 121:5

Enyɛnpe Ebɔrɛ na e naa keni fo so; mo alɛ wɔ fo kutɔ nna a kuŋ fo saŋkama.

Nshɛ 33:18

Enyɛnpe Ebɔrɛ na bee keni bekama nɛ baa wora mo kasonu so nna; nɛ mbe kasha nɛ k maa loge na malɛ wɔ bekama nɛ b yirda mo na so.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Danɛl 6:10

Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Kɔlɔsiebi 2:9

ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.