2 Kronikɛls 6:16 - EBƆRƐ BE KAWƆL

¹⁶ Naniere, Enyɛnpe nɛ fo la Israɛl be Ebɔrɛ, shin nɛ fo kɔnɔ nɛ fo nase n sa n tuto ewura Deevid fanɛ nɛ mbe kaman to ebi baa wora fo kasonu bre, bumo e naŋ baa ji Israɛl be kuwura na e bɔlɔ so.

2 Kronikɛls 6:16 ပူးပေါင်းရင်းမြစ်များ

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 6:12

“Fo baŋ bɛ ma mbra nɛ asɔ nɛ ŋ kaŋɛ fo ere kikɛ so, meeŋ wora kusɔ kama nɛ n nase kɔnɔ n sa fo tuto ewura Deevid na n sa fo.

2 Kronikɛls 13:5

Men maŋ nyi fanɛ Enyɛnpe Ebɔrɛ nɛ e la Israɛl be Ebɔrɛ na nase kɔnɔ kpakpaso n sa ewura Deevid fanɛ mo ere Ebɔrɛ na ta Israɛl be kuwurji nna n sa mbe kaman to ebi mbaanaayɔ a?

2 Kronikɛls 21:7

ama Enyɛnpe Ebɔrɛ na daa maa sha fanɛ e mur ewura Deevid be kaman to ebi na, ŋkpal mo nɛ ewura Deevid ka wora ŋkre nɛ e nase kɔnɔ fanɛ ewura Deevid be kaman to ebi e naaŋ baa ji kuwura mbaanaayɔ so.

2 Kronikɛls 23:3

Bumo kikɛ daŋ ba shɛr bɔrɛlambu na to nna nɛ bumo nɛ ewura pibinyɛn Jɔash wora kɔnɔkoŋwule be ŋkre. Ndoŋ nna nɛ Jehowada kaŋɛ bumo le: “Ewura nɛ e wu na pibinyɛn nde. Mo e naŋ ki ewura naniere ŋkpal manɛ so Enyɛnpe Ebɔrɛ na nase kɔnɔ nna fanɛ ewura Deevid be kaman to ebi e naaŋ baa ji kuwura saŋkikɛ.

2 Kronikɛls 6:17

Enyɛnpe nɛ fo la Israɛl be Ebɔrɛ na, shin nɛ kusɔ kama nɛ fo nase kumo be kɔnɔ n sa fo kenya ewura Deevid na a bɔlɔ so.

2 Kronikɛls 7:17

Fo tuto Deevid daa kɔ kasonu nna n sa ma amoso fo alɛ gba, Sɔlɔmɔn e baa wora loŋ. Baa bɛ ma mbra nɛ ma keŋini so,

2 Kronikɛls 7:18

saŋɛ na so ma kɔnɔ nɛ n nase n sa fo tuto fanɛ mbe kanaŋ to be esa e naŋ baa ji Israɛl be kuwura saŋkama na beeŋ bɔlɔ so.

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Nshɛ 132:12

Nɛ fo kaman to ebi beeŋ baa bɛ ma nɛ fo be kɔnɔkoŋwule be ŋkre na so nsaa wora ma keŋini kasonu, kumo ere meeŋ shin nɛ fo kaman to ebi e baa ji Israɛl be kuwura mbaanaayɔ.”

Nshɛ 26:3

M maaŋ teŋ fo kasha nɛ k maa loge na so kikɛ. Fo kashenteŋji e naa juŋkpar ma saŋkikɛ.

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.