2 Kronikɛls 6:10 - EBƆRƐ BE KAWƆL

¹⁰ Enyɛnpe Ebɔrɛ be kɔnɔ nɛ e nase na bɔlɔ so naniere bre. Ma e sɔ n tuto so n ji Israɛl be kuwura, ma alɛ e pɔr bɔrɛlambu nɛ baaŋ ba bunyaŋ Enyɛnpe Israɛl be Ebɔrɛ na kumo to na.

2 Kronikɛls 6:10 ပူးပေါင်းရင်းမြစ်များ

1 Bewura 2:12

Sɔlɔmɔn e daŋ sɔ mo tuto ewura Deevid so n ji kuwura nɛ mbe kuwurji malɛ ji eleŋ ga.

1 Kronikɛls 17:11

Fo kaŋ wu nɛ b ta fo n ya nase fo nananyɛnana be edesekpa, meeŋ shin nɛ fo mbinyɛnsobi ere be eko e ki ewura, nɛ n shin nɛ mbe kuwurji malɛ e baa kɔ eleŋ ga.

1 Kronikɛls 22:11

Kumo be kaman nɛ Deevid yɛ: “M pibinyɛn Sɔlɔmɔn, Enyɛnpe fo Ebɔrɛ na e baa wɔ fo kutɔ n shin nɛ kɔnɔ nɛ e nase fanɛ e beeŋ chɛ fo to nɛ fo pɔr bɔrɛlambu n sa mo na e bɔlɔ so.

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

1 Kronikɛls 29:23

Amoso Sɔlɔmɔn e daŋ sɔ mo tuto so n ji kuwura nɛ Enyɛnpe Ebɔrɛ yili n sa bumo na, nɛ asheŋ nite nɛnɛ nɛ Israɛl be efuli na so ebi kikɛ bee nu a sa mo.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

2 Kronikɛls 6:11

N ta Enyɛnpe Ebɔrɛ be ŋkre be deka na n yili bɔrɛlambu na to, nseŋ ta ajembu paŋgelambi anyɔ nɛ b sibɛ ŋkre n deŋi so nɛ Enyɛnpe Ebɔrɛ na nɛ an nananyɛnana kre saŋɛ nɛ e lara bumo ashi Ijipt be efuli so dra dra na n wɔtɔ kumo to.”

2 Kronikɛls 6:9

ama mannɛ fo e naaŋ pɔr kumo, fo pibinyɛn nɛ e la fo gbagba be ŋklaŋ na e naaŋ ba pɔr ma bɔrɛlambu na n sa ma.’

Kaŋinichiŋgeliŋ 1:4

Kenana ko beeŋ ba choŋ nɛ kenana ko malɛ e naŋ ba, ama durnya ere bre maaŋ chɛrga kikɛ.