2 Kronikɛls 5:2 - EBƆRƐ BE KAWƆL

² Kumo be kaman nɛ ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana kikɛ fanɛ b ba shɛr Jerusalɛm to, saŋɛ na so baaŋ lara Enyɛnpe Ebɔrɛ be ŋkre be deka ashi Zayɔn nɛ k la Deevid be kade to na n yɔ bɔrɛlambu na to.

2 Kronikɛls 5:2 ပူးပေါင်းရင်းမြစ်များ

2 Samuɛl 5:7

Ama bumo be kumɔlga be kakpa lempo nɛ b pɔr ashi Zayɔn na bre Deevid daŋ kɔ n sɔ kumo nna. Yili loŋ be saŋɛ na nɛ basa fara a tre kumo “Deevid be kade.”

2 Samuɛl 6:12

Ewura Deevid ka nu fanɛ ŋkpal ŋkre be deka na ka wɔ Obɛd Edɔm be laŋ to so, nɛ mo nɛ mbe kanaŋ kikɛ nya nɛfa na nɛ e lara kumo laŋ na to n yɔ Jerusalɛm nɛ kagbenefuli.

1 Kronikɛls 15:1

Ewura Deevid daŋ pɔr nwu damta nna ashi Jerusalɛm nseŋ shin nɛ b yuu wajɛbu nɛ b ta ŋkre be deka na bre n yili ndoŋ.

1 Kronikɛls 15:12

Le nɛ e daŋ kaŋɛ Livaiebi na: “Menyi e la Livaiebi na be kabuna be bejuŋkparpoana. Amoso menyi nɛ men braana Livaiebi na e lara alubi ashi menyi be ŋgbene to nseŋ ki cheembi, saŋɛ na so menyeeŋ tiŋ n ta Enyɛnpe Israɛl be Ebɔrɛ na be ŋkre be deka na n yɔ kakpa nɛ n lɔŋɛ fanɛ b ta kumo m ba yili na.

1 Kronikɛls 15:25

Ewura Deevid nɛ Israɛl be bejuŋkparpoana na nɛ benapo be benimuana na daŋ yɔ Obɛd Edɔm be laŋ to nna nɛ b ya ta ŋkre be deka na nseŋ ji eyur ndoŋ ga.

1 Kronikɛls 15:3

Kumo be kaman nɛ Deevid tre Israɛlebi na kikɛ m ba Jerusalɛm, nɛ b ya ta ŋkre be deka na m ba wajɛbu nɛ e yuu ŋkpal kumo so na to.

1 Kronikɛls 16:1

B daŋ ta ŋkre be deka na nna n ya yili wajɛbu nɛ Deevid yuu ŋkpal kumo so na to, nseŋ lara esarga chɔɔso nɛ kɔnɔkoŋwuleso be esarga n sa Ebɔrɛ.

1 Kronikɛls 24:31

Kabuna kikɛ be enimu nɛ mo sipo daŋ to beri nna m bishi Ebɔrɛ be nfɛra a laŋɛ kushuŋ nɛ baaŋ baa shuŋ be kaplɛa so, fanɛ kananɛ bumo kurgepoana, bɔrɛmatapoana nɛ b shi Ɛɛrɔn be kanaŋ to daŋ wora na. Ewura Deevid nɛ Zadɔk nɛ Ahimɛlɛk nɛ bɔrɛmatapoana nɛ b shi Livai be kanaŋ to na be anishito nɛ b daŋ wora loŋ.

1 Kronikɛls 24:6

B ka daŋ barga ashuŋ na to n sa ntuŋana na, Natanɛl nɛ e la Livai be esa na pibinyɛn Shemaya e daŋ sibɛ kanaŋ na be ejuŋkparpo nɛ e bee keni katuŋ na so be ketre n nase. Ewura Deevid nɛ mbe benimuana nɛ bɔrɛmatapo Zadɔk nɛ Abiata pibinyɛn Ahimɛlɛk nɛ kabɔrɛmata be nnaŋ na be benimuana nɛ Livai be nnaŋ na kikɛ daa wɔ ndoŋ nna.

1 Kronikɛls 26:26

Shelomif nɛ mo kurgepoana e daa keni ŋkɛ kama nɛ ewura Deevid nɛ kanaŋ be benimuana nɛ mbuna be bejuŋkparpoana nɛ benapo be benimuana ta m ba sa Ebɔrɛ na so.

1 Kronikɛls 28:1

Pɔɛŋ nɛ b pɔr bɔrɛlambu na ewura Deevid daŋ tre Israɛl be bejuŋkparpoana nɛ eyiriana na be benimuana nɛ ekrachi nimuso nɛ benapo be benimuana nɛ benimu nɛ baa keni ewura na nɛ mbe mbia be asɔ nɛ asɔbɔya so na nɛ ewurkpa be benimuana nɛ benapo nɛ b kɔ kenyɛn ga na m ba shɛr Jerusalɛm nna.

2 Kronikɛls 1:4

Loŋ be saŋɛ na nɛ b ta Enyɛnpe Ebɔrɛ be ŋkre be deka na ashi Kiriaf Jearim m ba yili wajɛbu nɛ ewura Deevid wora ashi Jerusalɛm na to.

2 Kronikɛls 5:1

Ewura Sɔlɔmɔn ka wora bɔrɛlambu na to be kushuŋ kikɛ n loge, nɛ e ta asɔ nɛ mo tuto ewura Deevid daŋ ta m bɔɔ Enyɛnpe Ebɔrɛ enɔ na n wɔtɔ bɔrɛlambu na be ebuana nɛ baa ta asɔwurbi a yili na to. Amo e la gbiti nɛ shuwa nɛ asɔ nɛ baa ta a shuŋ bɔrɛlambu na to na.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 87:2

Mo alɛ bee sha kadegboŋ na a chɔ kade kikɛ ashi Israɛl be efuli na kikɛ so.

Levitikɔs 9:5

Ndoŋ nna nɛ b bar asɔ nɛ Mosis kaŋɛ fanɛ b bar na kikɛ ashi wajɛbu na be anishito nɛ basa na kikɛ shɛr ndoŋ nɛ b bunyaŋ Enyɛnpe Ebɔrɛ na.

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Nɔmbɛs 10:36

Saŋkama malɛ nɛ b baŋ yili, e bee kaŋɛ le nna: “Enyɛnpe Ebɔrɛ, naŋ bɛta n shin nɛ Israɛl be basa kikɛ e pin fanɛ fo wɔ anyi kutɔ.”