2 Kronikɛls 4:19 - EBƆRƐ BE KAWƆL

¹⁹ Ewura Sɔlɔmɔn daŋ ta shuwa nna n ji asɔ nɛ a wɔ bɔrɛlambu na to kebita. Amo e la, bɔrɛsure na nɛ eteebɔl nɛ baa ta ebodobodo a deŋi so a sa Ebɔrɛ na;

2 Kronikɛls 4:19 ပူးပေါင်းရင်းမြစ်များ

2 Bewura 24:13

nseŋ muu bɔrɛlambu na to nɛ ewurape be yawukpakpaso be asɔ nɛ a wɔ amo to nɛ shuwa be ntishaŋ nɛ ewura Sɔlɔmɔn daŋ shin nɛ b lɔŋɛ na kikɛ nna n yɔ Babilɔn fanɛ kananɛ Enyɛnpe Ebɔrɛ daŋ kaŋɛ na gbagba.

1 Kronikɛls 28:16

nɛ shuwa be teebɔl nɛ baaŋ baa ta bodobodo nɛ a la Ebɔrɛ peya na a deŋi so na nɛ gbiti be eteebɔl nɛ a ti so na nna.

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

2 Kronikɛls 36:18

Ewura Nebukadneeza daŋ ta bɔrɛlambu na to be amansherbi nɛ kumo to be asɔ nɛ a ka kikɛ nna n ta ewura na nɛ mbe benimuana be amansherbi kikɛ n ti so m bɛta n yɔ Babilɔn.

Jɛremaya 28:3

Ta a ba nfɛ nyɔ be kefɛato, meeŋ bɛta bɔrɛlambu ere to be shuwa nɛ gbiti be asɔ lela nɛ ewura Nebukadneeza ta ashi Jerusalɛm n yɔ Babilɔn be efuli so na m ba nfe.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Matiu 12:4

E daŋ yɔ Ebɔrɛ be lambu to nna n ya ta ebodobodo nɛ b daŋ ta n lara sarga n sa Ebɔrɛ na nna nɛ mo nɛ basa na we, ŋkeshin nɛ an be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.

Kelaraŋŋini 9:13

Ndoŋ nna nɛ malaika shesopo na foŋ mbe kabel nɛ n nu ebɔl ka shi shuwa be bɔrɛsure mo nɛ k daa yil Ebɔrɛ be anishito na n lar. Asɔ ana ko daa yuu a yuu kumo so fanɛ kumo be alambɛ