2 Kronikɛls 36:6 - EBƆRƐ BE KAWƆL

⁶ Jemanɛ nɛ Jehowakim bee ji kuwura na nɛ Babilɔn be ewura Nebukadneeza kɔ n sɔ Juda nseŋ pɛ Jehowakim n ta danyaŋ be ŋgbɛlɛbi ŋ kre mo n yɔ Babilɔn.

2 Kronikɛls 36:6 ပူးပေါင်းရင်းမြစ်များ

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Jɛremaya 22:19

Kananɛ baa puli ekurma na nɛ baaŋ puli fo alɛ gba. Baaŋ chɛ fo efɔl nna ŋ gberge fo n lar kadegboŋ na be kabunagboŋ na to n ya lɛ kemaŋ to nseŋ gbare eshishɛr m buu fo so.”

Jɛremaya 25:1

Ewura Josaya pibinyɛn Jehowakim ka ji Juda be efuli so be kuwura be kafɛ nasopo to, nɛ Enyɛnpe Ebɔrɛ na sa ma kubɔya fanɛ n ta n sa Juda nɛ Jerusalɛm to be basa. Ewura Nebukadneeza malɛ ka ji Babilɔn be efuli so be kuwura be kafɛ koŋwule to e daa la.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Ezikɛl 19:4

Efuliana na ka nu mbe asheŋ, nɛ b fe mo kekpaala m pɛ mo, nseŋ ta edariwa ŋ gberge mo n yɔ Ijipt be efuli so.