2 Kronikɛls 36:23 - EBƆRƐ BE KAWƆL

²³ “Ma Sairus nɛ n la Pɛshiya be efuli so be ewurgboŋ na e naa kaŋɛ menyi le na fanɛ Enyɛnpe Ebɔrɛ nɛ e wɔ ebɔrɛso na e ta durnya ere kikɛ be kuwura m buu ma nseŋ ta bɔrɛlambu na be kepɔr ashi Jerusalɛm nɛ k wɔ Juda be efuli so na be kushuŋ n sa ma. Amoso, menyi bekama nɛ men la Ebɔrɛ be basa na e yɔ n ya lɔŋɛ bɔrɛlambu na m pɔr. Enyɛnpe menyi be Ebɔrɛ na e baa wɔ menyi kutɔ.”

2 Kronikɛls 36:23 ပူးပေါင်းရင်းမြစ်များ

1 Kronikɛls 22:16

nsaa tiŋ a ta shuwa nɛ gbiti nɛ danyaŋ nɛ kebɛlso a lɔŋɛ asɔ. K daga fanɛ men fara kushuŋ na naniere nɛ Enyɛnpe Ebɔrɛ na e chɛ menyi to.”

1 Kronikɛls 29:5

nseŋ ta ako malɛ n sa basa nɛ b kɔ enɔ to be kushuŋ be kenyi nɛ b lɔŋɛ asɔ warabi. Naniere, wanɛ e naŋ bugi kagbene n sa kusɔ ko nɛ b ta m pɔr Enyɛnpe Ebɔrɛ be bɔrɛlambu na?”

2 Kronikɛls 36:22

Pɛshiya be ewurgboŋ nɛ baa tre Sairus na be kuwurji be kafɛ juŋkparso to nɛ Enyɛnpe Ebɔrɛ shin nɛ e sibɛ kubɔya ere n wɔtɔ nwɔl to nseŋ chige nwɔl na n sa mbe efuli so kikɛ ebi nɛ b kraŋ nwɔl na awɔrso, saŋɛ na so kusɔ nɛ e bɔlɔ anebi Jɛremaya so m malga na beeŋ bɔlɔ so.

Ɛzra 1:1

Sairus ka ji Pɛshiya be kuwura be kafɛ juŋkparso to nɛ Enyɛnpe Ebɔrɛ na shin nɛ mbe kamalga nɛ e bɔla anebi Jɛremaya so m malga n nase na bɔlɔ so. E daŋ shin nna nɛ Pɛshiya be ewura Sairus sa ebɔl fanɛ b sibɛ n sa efuli na so ebi kikɛ ŋ kaŋɛ bumo fanɛ

Ɛzra 7:13

Mee sa kɔnɔ fanɛ Israɛlebi be esa kama, n ta bɔrɛmatapoana nɛ Livaiebi kikɛ n ti so, nɛ e bee sha ketu fo n yɔ Jerusalɛm be efuli so beeŋ tiŋ m bɛ fo so n yɔ.

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Aizaaya 41:2

Wanɛ e daŋ shi epeŋilarkpa m bar esa nɛ e kɔ m pɔɔ so na, nseŋ shin nɛ e daŋ kɔ m pɔɔ so kaplɛkama nɛ e yɔ na? Wanɛ e shin nɛ e tiŋ ŋ kɔ m pɔɔ bewura nɛ efuliana na so na? Mbe tokobi daa ŋele bumo nna a lɛ nɛ baa wu a ki shishɛrpumpuŋ. Nɛ mbe atanyembi malɛ daa pesaŋ bumo to fanɛ kananɛ afu bee kaa ber amimi a lɛ na.

Aizaaya 44:5

Basa pɔtɛ beeŋ kaŋɛ le kukoko to: ‘N la Enyɛnpe Ebɔrɛ peya nna.’ Baaŋ ta bumo be amu n ti Israɛl be basa so. Bumo be ekama beeŋ sibɛ Enyɛnpe Ebɔrɛ na be ketre n deŋi mbe be kabre so nsaa tre mo kumu Ebɔrɛ be esa.”

Aizaaya 45:13

Ŋ gbagba e we n wɔtɔ ewura Sairus nɛ e koso a wora kusɔ nɛ mee sha nɛ asheŋ e nyalɛ. Meeŋ shin nɛ asheŋ e baa du pɔtɔ pɔtɔ n sa mo. Saŋɛ na so e beeŋ lɔŋɛ ma kadegboŋ nɛ baa tre Jerusalɛm na m pɔr, nseŋ sɔ ma basa n yige nɛ b nya bumo be amu. Esa kikɛ maŋ ber mo paa ŋko n sa mo kusɔ ko fanɛ e wora loŋ. Ma, Enyɛnpe Ebɔrɛ e malga na.”

Jɛremaya 27:6

E yɛ: “Ma e sa ma kenya, Babilɔn be ewura Nebukadneeza yuku efuliana ere kikɛ so nseŋ shin nɛ kupuŋ to be asɔbɔya kikɛ gba wɔ mbe kaseto.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 2:37

Yiramu, fo e la bewura kikɛ to be ewurgboŋ. Ebɔrɛ nɛ e wɔ esoso na malɛ e ta fo ŋ ki ewurgboŋ nseŋ ta eleŋ nɛ bunyaŋ n sa fo.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 5:28

Kebarga to na malɛ bee ŋini nna fanɛ b barga fo kuwurji na to n sa Mɛdiebi nɛ Pɛshiyaebi.”

Danɛl 6:28

Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?