2 Kronikɛls 36:20 - EBƆRƐ BE KAWƆL

²⁰ E daŋ pɛ basa nɛ b maŋ wu kena to na nna n yɔ Babilɔn be efuli wɔfɔ na nɛ b ya ki mo nɛ mbe mbia be anya hale n ya fo jemanɛ nɛ Pɛshiya be efuli so be kuwurji fara a ji eleŋ na.

2 Kronikɛls 36:20 ပူးပေါင်းရင်းမြစ်များ

2 Bewura 25:11

nseŋ keta betirpo nɛ basa nɛ b nyi enɔ to be ashuŋ na nɛ bumo nɛ b daŋ shuli n sa mo nseŋ kraa wɔ Jerusalɛm to na kikɛ n yɔ Babilɔn be efuli so.

2 Kronikɛls 36:22

Pɛshiya be ewurgboŋ nɛ baa tre Sairus na be kuwurji be kafɛ juŋkparso to nɛ Enyɛnpe Ebɔrɛ shin nɛ e sibɛ kubɔya ere n wɔtɔ nwɔl to nseŋ chige nwɔl na n sa mbe efuli so kikɛ ebi nɛ b kraŋ nwɔl na awɔrso, saŋɛ na so kusɔ nɛ e bɔlɔ anebi Jɛremaya so m malga na beeŋ bɔlɔ so.

Ɛzra 2:1

Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Ɛzra 5:12

Ŋkpal an tutoana ka daŋ wora n da Ebɔrɛ nɛ e wɔ esoso na so so, e daŋ nya agbo nna nseŋ shin nɛ Babilɔn be Ewurgboŋ, Nebukadneeza, nɛ e shi Chaldian, ba kɔ m pɔɔ bumo so. Kumo be kaman nɛ Nebukadneeza pɛ bumo anya n yɔ Babilɔn be efuli so.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Jɛremaya 25:11

Kasawule ere kikɛ e dese fuloŋ nsaa la kusɔ nɛ esa beeŋ wu kumo kenishiso nɛ k chinchiŋ mo nna. Kumo be kaman, efuli pɔtɛana nɛ e kulti kumo na be basa beeŋ baa shuŋ a sa Babilɔn be ewura nfɛ adushunu.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 52:28

Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.

Ezikɛl 19:13

Naniere keshishɛrsawule so nɛ n duu kumo, kasawule wɔlso nɛ nchu maŋ wɔ kumo so.

Ezikɛl 38:5

Pɛshiya nɛ Kush nɛ Libiya be efuliana so be benapo ti fo benapo na so nɛ bumo kikɛ malɛ kɔ abɛlso be asɔ kuŋamuso nɛ abɛlso be akpaŋwuro.

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.