2 Kronikɛls 36:17 - EBƆRƐ BE KAWƆL

¹⁷ Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

2 Kronikɛls 36:17 ပူးပေါင်းရင်းမြစ်များ

Nshɛ 74:20

Baa nyiŋi kɔnɔkoŋwule be ŋkre nɛ anyi nɛ fo wora na. Ŋkpal manɛ so, kebagato e sɔ durnya be kukɔlɔbi kikɛ to, n shin nɛ tentembiri sɔ kaplɛkama.

Ɛzra 9:7

Baŋ yili an nananyɛnana be jemanɛ so m ba fo kabre, anyi be alubi baa shi ga nna. Ŋkpal alubi na so, anyi nɛ anyi be bewura nɛ anyi be bɔrɛmatapoana kikɛ ki anya nna n sa efuli pɔtɛ so ebi nɛ baa mɔ anyi nsaa suge anyi be asɔ nseŋ naa pɛ anyi a yɔ kenyaya to. K shin nɛ an ji anishinyɔr ga nseŋ kra ji kumo kabre.

Jɛremaya 40:3

naniere e wora kusɔ nɛ e kaŋɛ e beeŋ wora na. Ade kikɛ malɛ wora nna ŋkpal fo basa ka wora alubi n da mo ere Enyɛnpe Ebɔrɛ na so nsaa maŋ wora mo kasonu so.

Danɛl 9:14

O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Jɛremaya 32:42

Kananɛ m baŋ shin nɛ basa ere ji jɛrbi na, aloŋ nɛ meeŋ shin nɛ b nya asɔ lela nɛ n nase amo be kɔnɔ na.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Ditɛronɔmi 30:18

menyeeŋ mur. Mee kpla menyi kusoe naniere nna. Nɛ mannɛ aloŋ, men maaŋ chena kasawule nɛ menyee yɔ nɛ men ya sɔ n chena so ashi Jɔɔdan be lɔr na be kaba ndoŋ so na n chɛr.

Ɛzra 5:12

Ŋkpal an tutoana ka daŋ wora n da Ebɔrɛ nɛ e wɔ esoso na so so, e daŋ nya agbo nna nseŋ shin nɛ Babilɔn be Ewurgboŋ, Nebukadneeza, nɛ e shi Chaldian, ba kɔ m pɔɔ bumo so. Kumo be kaman nɛ Nebukadneeza pɛ bumo anya n yɔ Babilɔn be efuli so.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Aizaaya 13:18

Bumo be ata nɛ atanyembi nɛ baaŋ ta m mɔ mbrantiɛfɔlbi. B maaŋ wu mbi popɔrbi kuwɔr ŋko n shu mbiwurbi so.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 21:1

Juda be efuli so be ewura, Zɛdikaya daŋ tre Malkiya pibinyɛn nɛ baa tre Pashɔ na nɛ Maseiya pibinyɛn nɛ baa tre Zefanaiya nɛ e la bɔrɛmatapo na nna n shuŋi ma kutɔ fanɛ b ba kaŋɛ ma le:

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 32:28

Meeŋ shin nɛ Babilɔn be ewura, Nebukadneeza nɛ mbe benapo, e kɔ m pɔɔ Jerusalɛm be basa so

Jɛremaya 51:22

Fo nɛ mee ta a mɔ benyɛn nɛ beche, nɛ basakpar nɛ mbifɔlbi nɛ mbinyɛnsobi nɛ mbichesobi kikɛ.

2 Kronikɛls 34:24

le be kubɔya nɛ k shi Enyɛnpe Ebɔrɛ kutɔ ere. E yɛ Ebɔrɛ yɛ: “Meeŋ gberge Juda be basa kikɛ kusoe fanɛ kananɛ b kraŋ kawɔl na to ashi Juda be ewura be anishito na.

Aizaaya 43:28

Amoso nɛ n daa maŋ shin nɛ menyi be bɔrɛmatapoana shuŋ ma ashi ma bɔrɛlambu to na. Ma alɛ e daŋ shin nɛ Israɛl be efuli mur nɛ menyi be basa ji anishinyɔr na.”

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Ezikɛl 16:40

“Bumo alɛ beeŋ naŋ we n wɔtɔ jimaŋ nɛ b kpa fo ajembu m mɔ. Kumo be kaman nɛ b ta etokobi ŋ ŋele fo to fanɛ mblaŋkul nseŋ chɔɔ fo nwu.

Ezikɛl 21:28

Ama fo, dimɛdi pibi, kaŋɛ fanɛ kusɔ nɛ Enyɛnpetale Ebɔrɛ na bee kaŋɛ a laŋɛ Ammɔn be basa nɛ baa tege Israɛl na be kaplɛa so e la fanɛ b gberge tokobi m pe, n wora shiriya nɛ b mɔ; b fifɛa kumo so nna m bela ase nɛ b ta kumo m mɔ. K bee kpa edɛ fanɛ bɔrɛ ka nyɛkpɛ nna!

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”