2 Kronikɛls 36:16 - EBƆRƐ BE KAWƆL

¹⁶ Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

2 Kronikɛls 36:16 ပူးပေါင်းရင်းမြစ်များ

2 Bewura 2:23

Elaisha ka lar Jɛriko a yɔ Bɛtɛl, nɛ mbinyɛnsobi ko lar kade ko to m ba kaa wora mo eyurto a kaŋɛ awɔrso le: “Kumu nyiɛso wura, lar nfe!”

1 Kronikɛls 19:4

Ndoŋ nna nɛ Hanuun shin nɛ b pɛ Deevid be mbɔ na n she bumo be ntɔl nseŋ ku bumo be epiŋi be aya ase n ya fo bumo be nshɛr to nseŋ yige bumo nɛ b choŋ.

2 Kronikɛls 24:19

Amo nɛ amo kikɛ Enyɛnpe Ebɔrɛ na daŋ shuŋi anebiana nna fanɛ b ya kpele bumo kusoe n shin nɛ b bɛta m ba mo kutɔ nɛ b kini kenu.

2 Kronikɛls 30:10

Mbɔ na daŋ yɔ nde nɛ a wɔ Efrayim nɛ Manase be eyiriana na be efuli so kikɛ to nna hale n ta n ya fo Zɛbyulɔn be yiri na be kelargato be esoso be kaba so kikɛ, ama basa daŋ mushe bumo nna nseŋ wora bumo amɔmɔshiasheŋ.

Ɛzra 5:12

Ŋkpal an tutoana ka daŋ wora n da Ebɔrɛ nɛ e wɔ esoso na so so, e daŋ nya agbo nna nseŋ shin nɛ Babilɔn be Ewurgboŋ, Nebukadneeza, nɛ e shi Chaldian, ba kɔ m pɔɔ bumo so. Kumo be kaman nɛ Nebukadneeza pɛ bumo anya n yɔ Babilɔn be efuli so.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nehemaya 9:30

Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.

Nshɛ 35:16

B wora ma eyurto nna fanɛ kananɛ basa nɛ b maa ŋana Ebɔrɛ bee wora ebobi eyurto na; nsaa keni ma yurkishi so.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aŋasa 6:15

Ŋkpal loŋ so tɔrɔ nɛ k bee yɛr basa kemur to na, beeŋ tɔr bumo so m mur bumo saŋɛ nɛ b maa tama kumo na.

Aizaaya 28:22

Men sa maŋ kaa mushe kasokpele nɛ mee sa menyi ere! Nɛ men kaŋ wora loŋ, k beeŋ baa du kpakpa n sa menyi nɛ men nya n lar asheŋ to. N nu fanɛ Enyɛnpetale Ebɔrɛ na yili kumo nna fanɛ e beeŋ mur efuli na kikɛ.

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Aizaaya 57:4

Wanɛ nɛ menyee wora eyurto? Wanɛ nɛ menyee mɛr kɔnɔ? Men keni, menyi be alubi shin nɛ men ki bewulpo nna.

Aizaaya 65:12

Menyi be kumulela beeŋ fo ekar nɛ m bugi ekpa n shin nɛ b ta etokobi m mɔ menyi. Ŋkpal manɛ so, ŋ ka tre menyi men kini keshuli nna; menyi alɛ maŋ naŋ wɔtɔ lakal kusɔ nɛ ŋ ŋini menyi na to. Ama asɔ nɛ ŋ kishi nɛ menyi alɛ nyi k ka la kulubi na nɛ men wora.”

Jɛremaya 13:10

Le be basa lubi ere kini kewora ma kasonu. B wora bumo be amu nɛ ŋgbene kpakpa nna nseŋ kini kebaashuŋ ma n ya kaa shuŋ agbirana. Amoso baaŋ ki fanɛ dɔkɔri nɛ k wu nsaa maŋ naa kɔ tɔnɔ kikɛ na.

Jɛremaya 20:7

Enyɛnpe Ebɔrɛ, fo kɔ eleŋ a chɔ ma, fo alɛ pɔɔ ma so nna kashenteŋto. Ama kewora ma fanɛ fo kplaŋ ma so nɛ asheŋ bri ma nna. Ekama bee wora ma eyur to nna a mushe ma karechɛ kikɛ.

Jɛremaya 20:8

Jemanɛ kikɛ nɛ k daga fanɛ m malga, kemur nɛ luwu be asheŋ nɛ mee malga. Enyɛnpe Ebɔrɛ, fo kubɔya nɛ mee bɔ na bee bar ma katege nɛ etɔrɔ nawule nna.

Jɛremaya 30:12

Kede be kaman nɛ Enyɛnpe Ebɔrɛ na kaŋɛ mbe basa le: “Men be edoro maa tiŋ a chɛ, nɛ men be piira gba maa tiŋ a chɛ.

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Jɛremaya 32:33

Ŋ ka wora ania fanɛ meeŋ ŋini bumo nɛ b baa wora ma kasonu na kikɛ be kaman, b maŋ nu nseŋ koya shɛŋ. B pal kaman nna n sa ma.

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Danɛl 9:6

Anyi alɛ naŋ kini kenu n sa anebiana nɛ b la fo nyɛrbi m bɔla fo ketre so m malga n sa anyi be bejuŋkparpoana nɛ bewuraana nɛ an nananyɛnana nɛ anyi be efuli so ebi kikɛ na.

Levitikɔs 26:15

Nɛ men kini kewora ma mbraana kasonu nsaa maŋ wora m bɔla ma nɛ menyi be kɔnɔkoŋwule be ŋkre na so,

Matiu 23:34

To, mee shuŋi anebiana nɛ benyiashempo nɛ beŋinipo menyi kutɔ nna na, ama menyeeŋ mɔ bumo be beko nseŋ ta beko ŋ gbir m mata kedibi largato so nseŋ bri beko malɛ ashi menyi be nshɛrbuana to n ju bumo ashi kade ko to n yɔ kepɔtɛ to.

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Luuk 18:32

Ŋkpal manɛ so, baaŋ ya ta ma m bɔɔ nnyamase enɔ nɛ b wora ma eyurto nɛ amɔmɔshiasheŋ damta nseŋ tuu echɔl n fea ma.

Luuk 23:11

Nɛ Hɛrɔd nɛ mbe benapo wora mo nfɛlsheŋ nseŋ wora mo eyurto ga. Ade be kaman nɛ Hɛrɔd shin nɛ b ta asɔbuuso lela m buu Yesu shiaso nseŋ shin nɛ b naŋ bɛta mo n ya sa Pailat.

Luuk 23:36

Nɛ benapo malɛ gba wora mo eyurto nseŋ firgi n taga mo to n ta yabra nyannyanso ko a sa mo fanɛ e sɔ n nuu

Luuk 6:23

Saŋkama nɛ basa bee wora menyi loŋ, men shin nɛ men be ŋgbene e baa fuli menyi ga fanɛ men koso a cha, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ bumo nanaana gba daŋ tɔrɔ anebiana na.

Ashuŋ Shunso 13:41

‘Menyi nɛ menyee fɛl kusɔ nɛ Ebɔrɛ kaŋɛ na, men nu nfe. Menyeeŋ kooba nseŋ wu. Meeŋ wora kusɔ ko menyi be ŋkpa ere to, ama esa bugi kumo to n sa menyi gba, men maaŋ yirda kumo.’ ”

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

Ashuŋ Shunso 2:13

Nɛ basa na be beko wora beyirdapoana na eyurto ŋ kaŋɛ: “Basa ere boo nna na.”

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.