2 Kronikɛls 36:14 - EBƆRƐ BE KAWƆL

¹⁴ Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

2 Kronikɛls 36:14 ပူးပေါင်းရင်းမြစ်များ

2 Kronikɛls 28:3

E daa chɔɔ duwu ashi kepla nɛ baa tre Hinnɔm na so nna hale n ta mo gbagba be mbinyɛnsobi n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daŋ ba kasawule na so sososo na be asheŋ woraso lubi nɛ Ebɔrɛ kishi ga na to nna.

2 Kronikɛls 33:9

Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

2 Kronikɛls 34:24

le be kubɔya nɛ k shi Enyɛnpe Ebɔrɛ kutɔ ere. E yɛ Ebɔrɛ yɛ: “Meeŋ gberge Juda be basa kikɛ kusoe fanɛ kananɛ b kraŋ kawɔl na to ashi Juda be ewura be anishito na.

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

2 Kronikɛls 36:15

Enyɛnpe Ebɔrɛ nɛ e la bumo nananyɛnana be Ebɔrɛ na daa shuŋi anebiana nna, nɛ baa kpele bumo kusoe ŋkpal e ka daa maa sha kemur mbe basa nɛ mbe bɔrɛlambu nɛ e wɔ kumo to na so.

Ɛzra 9:7

Baŋ yili an nananyɛnana be jemanɛ so m ba fo kabre, anyi be alubi baa shi ga nna. Ŋkpal alubi na so, anyi nɛ anyi be bewura nɛ anyi be bɔrɛmatapoana kikɛ ki anya nna n sa efuli pɔtɛ so ebi nɛ baa mɔ anyi nsaa suge anyi be asɔ nseŋ naa pɛ anyi a yɔ kenyaya to. K shin nɛ an ji anishinyɔr ga nseŋ kra ji kumo kabre.

Jɛremaya 32:34

B ta bumo be agbirana nɛ ŋ kishi amo be asheŋ ga na nna n yili ma bɔrɛlambu nɛ k daga fanɛ b baa shuŋ ma kumo to na to, n shin nɛ k wora eyurpi daŋkare be ekpa so.

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Ezikɛl 11:12

Ndoŋ nɛ menyeeŋ pin fanɛ ma e la Enyɛnpe Ebɔrɛ nɛ men kini k bɛ ma mbraana so nseŋ ya kaa bɛ efuli pɔtɛana nɛ a kulti menyi na be mbraana so na.”

Ezikɛl 22:6

Israɛl be bejuŋkparpoana na be ekama ta eleŋ nɛ e kɔ nna a mɔ basa.

Danɛl 9:6

Anyi alɛ naŋ kini kenu n sa anebiana nɛ b la fo nyɛrbi m bɔla fo ketre so m malga n sa anyi be bejuŋkparpoana nɛ bewuraana nɛ an nananyɛnana nɛ anyi be efuli so ebi kikɛ na.

Danɛl 9:8

Anyi be bewura nɛ an be bejuŋkparpoana nɛ an nananyɛnana kikɛ wora anishinyɔr be asheŋ nɛ alubi ŋ gbiti fo Enyɛnpe Ebɔrɛ.

Levitikɔs 19:30

Men baa ta Kewushiachɛ na fanɛ kachɛ cheembi nsaa sa kakpa nɛ baa shuŋ ma na bunyaŋ. Ma e la Enyɛnpe Ebɔrɛ.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Ditɛronɔmi 18:9

“Nɛ menyi kaŋ yɔ kasawule nɛ Enyɛnpe menyi be Ebɔrɛ na ta a sa menyi na so, men sa maŋ kaa wora ekishisheŋ nɛ efuliana nɛ a wɔ ndoŋ na bee wora na.