2 Kronikɛls 36:12 - EBƆRƐ BE KAWƆL

¹² E daŋ wora kulubi nna ŋ gbiti Enyɛnpe Ebɔrɛ nseŋ kini kebar mbe kumu kaseto n nu anebi Jɛremaya be kubɔya nɛ k shi Enyɛnpe Ebɔrɛ kutɔ na.

2 Kronikɛls 36:12 ပူးပေါင်းရင်းမြစ်များ

2 Kronikɛls 32:26

Ade kikɛ be kaman nɛ ewura Hɛzekaya nɛ Jerusalɛm be basa na bar bumo be amu kaseto nseŋ kule Ebɔrɛ alubi be ketampaŋ nɛ Enyɛnpe Ebɔrɛ ta m paŋ bumo nseŋ maŋ naŋ gberge bumo kusoe n ya fo saŋɛ so nɛ Hɛzekaya wu pɔɛŋ.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

2 Kronikɛls 35:22

Ama ewura Josaya bre daŋ baa yili kena na be kekɔ so nna. E daŋ kini kenu kusɔ nɛ Ebɔrɛ bɔla ewura Neeko so ŋ kaŋɛ na nna nseŋ chɛrga mbe asɔbuuso n yɔ Magido be kepla na so n ya kɔ ewura Neeko kena.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Jɛremaya 1:1

Jɛremaya nɛ e la Hilkiya pibinyɛn nseŋ shi bɔrɛmatapoana be kanaŋ to ashi kade nɛ baa tre Anatɔf nɛ k wɔ Bɛnjamin be yiri to ebi be kasawule so na be mmalga nɛ e wɔ kawɔl ere to nde.

Jɛremaya 27:12

Ŋ ka bɔ kubɔya na n sa efuliana nɛ a mata Juda be efuli so na be katelamu yilipoana na be kaman, nɛ n yɔ Juda be ewura Zɛdikaya kutɔ n ya kaŋɛ mo le: “Nɛ fanɛ fo nɛ Juda be basa bee sha kebaawɔ ŋkpa to, kumo ere a daga fanɛ men baa wora ewura Nebukadneeza nɛ Babilɔn be efuli so be basa kasonu.

Jɛremaya 52:2

Ewura Zɛdikaya gba daŋ wora kulubi n da Enyɛnpe Ebɔrɛ so nna fanɛ kananɛ ewura Jehowakim daŋ wora na.

Jeems 4:10

Men baa yɔɔ men be amu Ebɔrɛ be anishito nɛ e maŋ menyi so.

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.