2 Kronikɛls 36:1 - EBƆRƐ BE KAWƆL

¹ Ewura Josaya ka wu be kaman nɛ Juda be basa lara mo pibinyɛn Jehowahaz ŋ ki Juda be ewura.

2 Kronikɛls 36:1 ပူးပေါင်းရင်းမြစ်များ

2 Bewura 24:1

Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

1 Kronikɛls 3:15

Josaya daa kɔ mbinyɛnsobi ana nna. Bumo e la Johanan nɛ Jehowakim nɛ Zɛdekaya nɛ Shallɔm.

2 Kronikɛls 26:1

Ewura Amaziya ka wu na nɛ Juda be efuli so ebi kikɛ lara Amaziya pibinyɛn Uziya nɛ e daa la nfɛ kuduashe na ŋ ki ewura. Uziya daŋ ji kuwura Jerusalɛm to nfɛ adunu nɛ anyɔ nna. Mo nio e daa la Jekolia nɛ e shi Jerusalɛm na. Mbe saŋɛ so nɛ e naaŋ kɔ n sɔ Elɛf nseŋ lɔŋɛ kumo m pɔr.

2 Kronikɛls 33:25

Ndoŋ nna nɛ Juda be basa mɔ basa nɛ b mɔ ewura Ammɔn na nseŋ ta mo pibinyɛn Josaya ŋ ki ewura.

2 Kronikɛls 35:27

nɛ mbe sososo nɛ lalaloge kikɛ be kusɔ nɛ e wora kikɛ wɔ Israɛl nɛ Juda be bewura be adrasheŋ be nwɔl to.

2 Kronikɛls 36:2

Jehowahaz daa la nfɛ adunyɔ nɛ asa nna pɔɛŋ nseŋ ki Juda be ewura nseŋ ji kuwura afɔl asa ashi Jerusalɛm to.

Jɛremaya 22:11

Ŋkpal manɛ so, kusɔ nɛ Enyɛnpe Ebɔrɛ na kaŋɛ a laŋɛ Jehowahaz nɛ e la ewura Josaya pibinyɛn nseŋ daŋ ba sɔ mo tuto so n ji kuwura ashi Juda be efuli so na be kaplɛa so nde. E yɛ: “Ma, Enyɛnpe Ebɔrɛ na e nase kɔnɔ fanɛ e beeŋ ya wu ndoŋ nsaa maaŋ naŋ wu mo gbagba be kasawule kenishiso kikɛ.”

Ezikɛl 19:3

E bela mbe ebi ko nseŋ ŋini kumo kepɛ n ji, nɛ k koya edimɛdi be kepɛ n ji.

Ditɛronɔmi 28:36

Ade malɛ kikɛ be kaman, Enyɛnpe Ebɔrɛ na beeŋ shin nɛ bedoŋ e pɛ menyi nɛ men be ewura tintiŋ so n yɔ efuli pɔtɛ so, kakpa nɛ menyi ŋko men nananyɛnana maŋ naŋ chena ŋ ku so na, nɛ men ya shuŋ agbirana nɛ b ta ndibi nɛ ajembu n lɔŋɛ.