2 Kronikɛls 35:8 - EBƆRƐ BE KAWƆL

⁸ Mbe benimuana na gba daŋ lara asɔbɔya nna n sa basa na nɛ bɔrɛmatapoana nɛ Livaiebi na. Hilkiya nɛ Zakareya nɛ Jehiɛl nɛ baa keni bɔrɛlambu na so na gba daŋ ta ekpakpafɔlbi nɛ mboe ŋgboŋ anyɔ nɛ alfa ashe nɛ egbolu alfa asa nna n sa bɔrɛmatapoana na fanɛ b ta n lara sarga kebansonchoŋ be kejigboŋ na be kachɛ na.

2 Kronikɛls 35:8 ပူးပေါင်းရင်းမြစ်များ

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

1 Kronikɛls 9:20

Jemanɛ nɛ Eliaza pibinyɛn Finihas daa keni mbunakumpoana na so na, Enyɛnpe Ebɔrɛ na daa wɔ mo kutɔ nna.

2 Kronikɛls 30:24

Ewura Hɛzekaya daŋ sa basa na egbolu kagboŋ nɛ ekpakpa ŋgboŋ ashunu nna fanɛ b mɔ n we. Nɛ benimuana na malɛ sa bumo egbolu kagboŋ nɛ ekpakpa ŋgboŋ kudu, nɛ bɔrɛmatapoana damta fɔr bumo be amu so daŋkare be ekpa so.

2 Kronikɛls 31:13

Ewura Hɛzekaya nɛ bɔrɛmatapo nimuso Azariya daŋ lara Livaiebi kudu malɛ nna fanɛ b baa chɛ bumo to a shuŋ. Bumo e la Jehiɛl nɛ Azariya nɛ Nahaf nɛ Asahɛl nɛ Jerimɔf nɛ Jozabad nɛ Elliɛl nɛ Ismakaya nɛ Mahaf nɛ Bɛnaya.

2 Kronikɛls 34:9

Le be basa asa ere daŋ ta amansherbi nɛ Livaiebi nɛ baa keni bɔrɛlambu be mbunaana so na daŋ sɔ ashi Manase be epeŋitɔrkpa be kaba so be basa, nɛ Efrayim nɛ Israɛl be basa nɛ b ka na, nɛ bekama nɛ b wɔ Juda nɛ Bɛnjamin nɛ Jerusalɛm na, nna n ya sa bɔrɛmatapo nimuso Hilkiya.

2 Kronikɛls 35:7

Mbɔlpo nɛ mboe ŋgboŋ adesa, nɛ egbolu malɛ ŋgboŋ asa nɛ ewura Josaya gbagba daŋ lara n sa fanɛ b ta n lara kebansonchoŋ be sarga na.

Ɛzra 1:6

Basa nɛ b tu bumo n chena na kikɛ daŋ ta shuwa nɛ gbiti nɛ asɔ lela be yiri kikɛ nɛ asɔbɔya be yiri kikɛ nna n chɛ bumo enɔ so. Yawu kpakpaso be asɔ nɛ asɔ nɛ baaŋ ta n ya lara sarga ashi bɔrɛlambu na to nɛ b daŋ sa bumo.

Ɛzra 7:16

Ta shuwa nɛ egbiti nɛ baaŋ sa fo ashi Babilɔn be efuli so na nɛ esarga nɛ basa na nɛ bɔrɛmatapoana na beeŋ lara a laŋɛ bɔrɛlambu na be kaplɛa so na gba n ti so.

Nshɛ 45:12

Basa beeŋ shi Tayɛ be kade to m bar fo ŋkɛ, nɛ damawuraana e ta mmalga belbelso m ba fule fo nɛ fo wora asɔ nɛ baa sha n sa bumo.

Nɔmbɛs 7:2

Ndoŋ nna nɛ Israɛl be yiri kuduanyɔ na be mbuna mbuna be bejuŋkparpoana nɛ b daŋ chɛ to ŋ karga basa na,

Ashuŋ Shunso 4:1

Pita nɛ Jɔn daa maŋ naŋ malga n sa basa na n loge nɛ bɔrɛmatapoana na be beko nɛ bɔrɛlambu na to be bekumpoana be enimu nɛ Esadusiana na be beko ba bumo kutɔ.

Ashuŋ Shunso 5:26

Nɛ enimu na shin nɛ mo nɛ mbe beshumpo na naŋ ya bar beshuŋipo na. B daa maŋ ta katiŋ m pɛ bumo, ŋkpal manɛ so, b daa lɔ kufu nna fanɛ basa na beeŋ kpa bumo ajembu m mɔ.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.