2 Kronikɛls 34:32 - EBƆRƐ BE KAWƆL

³² E daŋ shin nna nɛ Bɛnjamin be yiri to be basa nɛ bekama nɛ b daa wɔ bɔrɛlambu na to na kikɛ nase kɔnɔ fanɛ baaŋ baa bɛ kɔnɔ naseso be ŋkre na so. Amoso Juda be basa daa bɛ bumo nananyɛnana nɛ Ebɔrɛ be kɔnɔ naseso be ŋkre na so nna.

2 Kronikɛls 34:32 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

2 Kronikɛls 14:4

Kumo be kaman nɛ e kaŋɛ Juda be basa kenishipereso fanɛ b baa bɛ Enyɛnpe Ebɔrɛ nɛ e la bumo nananyɛnana be Ebɔrɛ na be keŋini nɛ mbe mbra so.

2 Kronikɛls 15:12

B daŋ nase nnɔ nna n sa abar a laŋɛ kananɛ baaŋ ta bumo be ŋgbene nɛ ayoyu kikɛ a bunyaŋ bumo nananyɛnana be Ebɔrɛ na.

2 Kronikɛls 29:29

Ade kikɛ be kaman nɛ ewura Hɛzekaya nɛ basa na kikɛ gbir m bunyaŋ Ebɔrɛ.

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

2 Kronikɛls 33:16

E daŋ naŋ lɔŋɛ bɔrɛsure nɛ baa lara kɔnɔkoŋwuleso nɛ kechɔrɔ be esarga kumo so na nna n sa Enyɛnpe Ebɔrɛ, nseŋ kaŋɛ Juda be basa kikɛ fanɛ b baa shuŋ Enyɛnpe nɛ Ebɔrɛ na.

2 Kronikɛls 34:31

Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na nɛ kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

2 Kronikɛls 34:33

Ewura Josaya daŋ mur agbir nɛ Ebɔrɛ kishi ga na nna ashi Israɛl be kasawule na so kikɛ. Mo alɛ ka daa wɔ ŋkpa to na, e daŋ shin nna nɛ basa na bee shuŋ Enyɛnpe bumo nananyɛnana be Ebɔrɛ na nna.

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Kaŋinichiŋgeliŋ 8:2

Fo baŋ nase kɔnɔ Ebɔrɛ be anishito fanɛ feeŋ baa nu a sa ewura, kumo ere a daga fanɛ fo baa wora loŋ.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”