2 Kronikɛls 34:3 - EBƆRƐ BE KAWƆL

³ Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

2 Kronikɛls 34:3 ပူးပေါင်းရင်းမြစ်များ

1 Bewura 13:2

Kusɔ nɛ Enyɛnpe Ebɔrɛ kaŋɛ fanɛ anebi na e kaŋɛ a laŋɛ bɔrɛsure na be kaplɛa so e la fanɛ: “Baaŋ kurge kebia ko ashi ewura Deevid be kanaŋ to n nase mbe ketre Josaya. E beeŋ mɔ bɔrɛmatapoana nɛ baa lara esarga a deŋi kumo so ere n lara sarga n deŋi kumo so nseŋ chɔɔ dimɛdi be awibi kumo so.”

2 Bewura 10:27

Kumo be kaman nɛ b bure kegbir na be kapɔrduli na nɛ kegbirlambu na gba nseŋ ta ndoŋ ŋ kilgi dɔshia. Loŋ be kakpa na kraa wɔtɔ hale kabre.

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

2 Bewura 23:14

Ewura Josaya daŋ bure agbir jembu na to nna kpachɛrkpachɛrbi nseŋ ku kegbirche Ashira be kapɔrduli na n lɛ nseŋ ta edimɛdi be awibi n fari kaboŋ nɛ a daa yili na be kaplɛkama.

2 Bewura 23:4

Ewura Josaya daŋ shin nna nɛ bɔrɛmatapo nimuso Hilkiya nɛ bɔrɛmatapoana nɛ b bɛ mbe kaman na nɛ bekumpo nɛ baa kuŋ bɔrɛlambu na be kabuna na lara asɔ nɛ b kɔ a shuŋ Baal be kegbir na nɛ kegbirche Ashira nɛ achɛkpabi na ashi bɔrɛlambu na to. E daŋ shin nna nɛ b ta asɔ na kikɛ n lar kade na be ekarso a mata Kidrɔn be ketaŋɛ na ase n ya chɔɔ amo nseŋ ta amo be nsunɔ n yɔ Bɛtɛl.

1 Kronikɛls 22:5

Le nɛ ewura Deevid daŋ kaŋɛ: “Bɔrɛlambu nɛ m pibinyɛn Sɔlɔmɔn beeŋ pɔr na beeŋ baa walɛ m baŋ so nɛ durnya kikɛ e nu kumo be asheŋ. Ama ŋkpal e ka kraa la kebia a maŋ naŋ pin asɔ damta to na so, a daga fanɛ n wora kumo be shiriya n yili mo.” Amoso ewura Deevid daŋ fin bɔrɛlambu na be kapɔr be asɔ damta nna n yili pɔɛŋ nseŋ wu.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:1

Kede be kaman nɛ ewura Deevid kaŋɛ basa na malɛ le: “M pibinyɛn Sɔlɔmɔn nɛ Ebɔrɛ lara fanɛ e pɔr bɔrɛlambu na ama mo alɛ kra la kebia nna, e maŋ naŋ pin asheŋ nɛnɛ. Bɔrɛlambu na malɛ be kushuŋ maŋ la alefasha, ŋkpal manɛ so k maŋ la edimɛdi peya, Enyɛnpe Ebɔrɛ be bɔrɛlambu nna.

2 Kronikɛls 14:6

Mbe jemanɛ to e daŋ shin nna nɛ b naŋ pɔr egbalana n deŋi deŋi egbalana nɛ b pɔr ŋ kulti Juda be nde na so nɛ nde na nya eleŋ n ti so. Amoso nfɛ damta nɛ b daa maŋ naa kɔ kena ŋkpal Enyɛnpe Ebɔrɛ ka sa bumo kagbenewushi so.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 30:14

B daŋ lara efuli pɔtɛana so be ebɔrɛsure nɛ b daa lara esarga nsaa chɔɔ eduwu amo so na nna n lɛ Kidrɔn be ketaŋɛ na to.

2 Kronikɛls 33:15

E daŋ lara efuli pɔtɛana so be agbirana nɛ kegbir be kapɔrduli nɛ e daŋ ta n yili bɔrɛsure na ase na nna ashi bɔrɛlambu na to. Nseŋ lara agbir be ebɔrɛsureana nɛ e pɔr n yili kebee nɛ b pɔr bɔrɛlambu na n yili so na nɛ Jerusalɛm be kade to kikɛ, n ta amo kikɛ n lar kade na be ekarso n ya lɛ.

2 Kronikɛls 33:17

Nɛ basa na bɛ kusɔ nɛ ewura Manase kaŋɛ na so, ama b daŋ ya ka shuŋ Enyɛnpe Ebɔrɛ na nna ashi kakpa nɛ baa shuŋ bumo be agbirana na.

2 Kronikɛls 33:22

E daŋ wora alubi nna ŋ gbiti Enyɛnpe Ebɔrɛ fanɛ kananɛ mo tuto ewura Manase daŋ wora na gbagba. Agbir nɛ mo tuto daŋ shuŋ na, amo nɛ mo alɛ gba daŋ shuŋ.

2 Kronikɛls 34:33

Ewura Josaya daŋ mur agbir nɛ Ebɔrɛ kishi ga na nna ashi Israɛl be kasawule na so kikɛ. Mo alɛ ka daa wɔ ŋkpa to na, e daŋ shin nna nɛ basa na bee shuŋ Enyɛnpe bumo nananyɛnana be Ebɔrɛ na nna.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Nshɛ 71:5

O Enyɛnpetale Ebɔrɛ, fo e la ma tama kikɛ, ma kebifɔlbi to kikɛ nɛ n ta yirda n deŋi fo so.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Aŋasa 20:11

Mbia be aworbi e naa ŋini basa nɛ baaŋ ba ki echefoso.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Kaŋinichiŋgeliŋ 12:1

Amoso baa nyiŋi fo etopo jemanɛ nɛ fo kraa la kebifɔlbi ere, pɔɛŋ nɛ asheŋ e baa wora fo so keshi ashi nfɛ nɛ a wɔ fo anishito ere to nɛ fo kaŋɛ le: “Kebaawɔtɔ maŋ naa wora ma ebel.”

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.