2 Kronikɛls 33:9 - EBƆRƐ BE KAWƆL

⁹ Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

2 Kronikɛls 33:9 ပူးပေါင်းရင်းမြစ်များ

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 15:26

Kananɛ mo tuto daŋ baŋ wora kulubi na gbagba chap nɛ mo alɛ gba daŋ wora, hale n shin nɛ Israɛl tɔr kulubi to.

2 Bewura 21:16

Ewura Manase daŋ mɔ basa damta nɛ b maŋ wora shɛŋ nna nɛ bumo be ŋklaŋ teŋi n sɔ Jerusalɛm be kubɔrbi so kikɛ. Ade kikɛ be kaman nɛ e naŋ shin nɛ Juda be efuli so be basa gba luri kagbirshuŋ to nseŋ wora kulubi ŋ gbiti Enyɛnpe Ebɔrɛ na.

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

2 Kronikɛls 28:19

Ŋkpal Juda be ewura Ahaz ka daŋ maŋ wora Enyɛnpe Ebɔrɛ na kasonu nseŋ yige mbe basa nɛ baa wora alubi so nɛ Enyɛnpe na daŋ bar le be etɔrɔ Juda be efuli so na.

2 Kronikɛls 33:10

Kashenteŋ nna fanɛ Enyɛnpe Ebɔrɛ na daŋ kpele ewura Manase nɛ mbe basa kusoe a laŋɛ bumo be alubi be kaplɛa so ama b daa maŋ nu n sa mo.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

2 Kronikɛls 33:8

Nɛ ma basa Israɛlebi beeŋ bɛ ma mbra nɛ ma keŋini nɛ ma kayɛrbi Mosis ta n sa bumo dra dra na so bre, kumo ere maaŋ shin nɛ b ju bumo ashi kasawule nɛ n ta n sa bumo nananyɛnana na so.”

Aŋasa 29:12

Ewura nɛ e bee nu efɛ be beyaasepo bee ki basa lubi nna.

Ezikɛl 5:7

Amoso kusɔ nɛ Enyɛnpe Ebɔrɛ na bee kaŋɛ Jerusalɛm be basa e la fanɛ, men kini kenu m bɛ ma mbraana nɛ ma atande so nseŋ ya ka bɛ efuliana nɛ e kulti menyi na be mbraana so. Men be ŋgbene ki kpakpa a chɔ bumo gba!

Levitikɔs 18:24

Sa maŋ kaŋ wora ekishisheŋ ere be kekama nseŋ wora eyurpi, ŋkpal manɛ so, kusɔ nɛ k ba nɛ Enyɛnpe Ebɔrɛ na bee shin nɛ e ju efuliana na so be basa n lɛ nseŋ ta menyi n chena ndoŋ nna na. B wora loŋ be eyurpisheŋ nna ashi Ebɔrɛ kutɔ.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Ditɛronɔmi 2:21

Zamzummimebi ere daa la yiri nɛ b shi nsaa kɔ eleŋ ga nseŋ naa du jeŋgreŋ jeŋgreŋ fanɛ Anak be yiri to ebi na nna. Ama Enyɛnpe Ebɔrɛ na daŋ mur bumo nna, saŋɛ na so Ammɔnebi beeŋ sɔ bumo be kasawule na n chena so.

Joshuwa 24:8

Ndoŋ nna nɛ n lara menyi m ba Amɔriebi nɛ b wɔ Jɔɔdan be lɔr na be epeŋilarkpa na be kasawule so. B daŋ kɔ menyi kena nna ama n chɛ menyi to nɛ men pɔɔ bumo so. N daŋ mur bumo saŋɛ nɛ menyee ba na nna nɛ men sɔ bumo be nsawule.