2 Kronikɛls 33:2 - EBƆRƐ BE KAWƆL

² E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

2 Kronikɛls 33:2 ပူးပေါင်းရင်းမြစ်များ

2 Bewura 17:11

B daa chɔɔ duwu mboŋ ere kikɛ nna a bunyaŋ agbir fanɛ kananɛ efuli pɔtɛana so be basa daa wora pɔɛŋ nɛ Enyɛnpe Ebɔrɛ ju bumo ashi kasawule na so na. Bumo be asheŋ lubi nɛ b daa wora na daŋ pɛ Enyɛnpe Ebɔrɛ agbo ga.

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

2 Bewura 21:2

Manase daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ e ta kasawule na n sa mbe basa Israɛlebi sososo na be asheŋ nɛ Ebɔrɛ kishi ga na so.

2 Bewura 21:9

Ewura Manase daŋ shin nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na daa wora na nna.

2 Kronikɛls 28:3

E daa chɔɔ duwu ashi kepla nɛ baa tre Hinnɔm na so nna hale n ta mo gbagba be mbinyɛnsobi n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daŋ ba kasawule na so sososo na be asheŋ woraso lubi nɛ Ebɔrɛ kishi ga na to nna.

2 Kronikɛls 33:22

E daŋ wora alubi nna ŋ gbiti Enyɛnpe Ebɔrɛ fanɛ kananɛ mo tuto ewura Manase daŋ wora na gbagba. Agbir nɛ mo tuto daŋ shuŋ na, amo nɛ mo alɛ gba daŋ shuŋ.

2 Kronikɛls 36:14

Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

Ɛzra 9:14

Nɛ manɛ so, nɛ anyeeŋ naŋ kini kebɛ fo mbra na so nseŋ ya ta ŋko ŋ kil le be basa nɛ b wɔ eyurpisheŋ to ere? Nɛ an wora loŋ feeŋ nya agbo n wora anyi nseŋ mur anyi gba kuraa. Fo alɛ maaŋ naŋ shin nɛ anyi to be ekoŋwule gba e baa wɔ ŋkpa to.

Jɛremaya 15:4

Meeŋ shin nɛ bumo be asheŋ e baa kpar durnya be efuliana so be basa kikɛ, ŋkpal kusɔ nɛ Ewura Hɛzekaya pibinyɛn nɛ baa tre Manase wora ashi Jerusalɛm be kadegboŋ na to jemanɛ nɛ e daa ji kuwura Juda be efuli so na so.”

Ezikɛl 11:12

Ndoŋ nɛ menyeeŋ pin fanɛ ma e la Enyɛnpe Ebɔrɛ nɛ men kini k bɛ ma mbraana so nseŋ ya kaa bɛ efuli pɔtɛana nɛ a kulti menyi na be mbraana so na.”

Ditɛronɔmi 12:29

Ndoŋ nna nɛ Mosis naŋ kaŋɛ le: “Enyɛnpe menyi be Ebɔrɛ na e naaŋ baa mur efuliana nɛ menyeeŋ baa kɔ a sɔ bumo be nsawule na nɛ men nya n chena ndoŋ.

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Ditɛronɔmi 18:14

Ndoŋ nna nɛ Mosis naŋ kaŋɛ le: “Kasawule nɛ menyee yɔ nɛ men ya sɔ n chena so ere so, basa bee nu nna a sa basa nɛ baa kpal nsaa bishi so. Ama Enyɛnpe menyi be Ebɔrɛ na maŋ sa menyi ere akpa fanɛ men baa wora loŋ kikɛ.

Ditɛronɔmi 18:9

“Nɛ menyi kaŋ yɔ kasawule nɛ Enyɛnpe menyi be Ebɔrɛ na ta a sa menyi na so, men sa maŋ kaa wora ekishisheŋ nɛ efuliana nɛ a wɔ ndoŋ na bee wora na.