2 Kronikɛls 33:18 - EBƆRƐ BE KAWƆL

¹⁸ Kusɔ kama nɛ ewura Manase daŋ wora na, nɛ mbe kabɔrɛkule, nɛ abɔya kama nɛ Enyɛnpe Israɛl be Ebɔrɛ na daŋ bɔla anebiana so n sa mo na kikɛ be asheŋ wɔ Israɛl be bewura be adrasheŋ be nwɔl na to.

2 Kronikɛls 33:18 ပူးပေါင်းရင်းမြစ်များ

1 Bewura 11:41

B daŋ sibɛ ewura Sɔlɔmɔn be kushuŋ be asheŋ nɛ mbe kanyiasheŋ nɛ e kɔ nɛ kusɔ nɛ e wora kikɛ be asheŋ nna n wɔtɔ Sɔlɔmɔn be adrasheŋ be nwɔl to.

1 Bewura 14:19

B sibɛ kusɔ kama nɛ ewura Jeroboam daŋ wora kikɛ, kananɛ e kɔ ana, nɛ kananɛ e ji kuwura, be asheŋ nna n wɔtɔ Israɛl be bewura be adrasheŋ be nwɔl to.

1 Bewura 15:31

B daŋ sibɛ kusɔ kama nɛ ewura Naadab daŋ wora kikɛ nna n wɔtɔ Israɛl be bewura be adrasheŋ be nwɔl to.

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

2 Kronikɛls 20:34

B daŋ sibɛ kusɔ kama nɛ Jehoshafat daŋ wora saŋɛ so nɛ e daa la ewura na nna n wɔtɔ Hanani pibinyɛn Jehu be adrasheŋ be nwɔl nɛ amo alɛ gba ti Israɛl be bewura be adrasheŋ be nwɔl so na to.

2 Kronikɛls 21:2

Ewura Jehoshafat pibinyɛn Jehoram daa kɔ besipo nyɛnso ashe nna. Bumo e daa la Azariya nɛ Jehiɛl nɛ Zakareya nɛ Azariahu nɛ Maikel nɛ Shefatiya.

2 Kronikɛls 32:32

B daŋ sibɛ kusɔ kama nɛ ewura Hɛzekaya daŋ wora nɛ kananɛ e ji kashenteŋ n sa Enyɛnpe Ebɔrɛ na nna n wɔtɔ Amɔz pibinyɛn Aizaaya be kewuŋkaŋɛ be nwɔl nɛ Juda nɛ Israɛl be bewura be adrasheŋ be nwɔl to.

2 Kronikɛls 33:10

Kashenteŋ nna fanɛ Enyɛnpe Ebɔrɛ na daŋ kpele ewura Manase nɛ mbe basa kusoe a laŋɛ bumo be alubi be kaplɛa so ama b daa maŋ nu n sa mo.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

Aizaaya 29:10

Enyɛnpe Ebɔrɛ na e shin nɛ menyi be anishi bee biri menyi nɛ edi bee la menyi na. Menyi anebiana na e daga fanɛ b baa wu asheŋ a kaŋɛ basa na, ama Ebɔrɛ buu menyi be anishi so nna nɛ men maŋ naa wu asheŋ a pin to.

Aizaaya 30:10

Bumo alɛ bee kaŋɛ anebiana na nna fanɛ b baa lo bumo be nnɔ to. Kusɔ nɛ baa kaŋɛ bumo e la: “Men sa maa kaŋɛ anyi kusɔ nɛ k daga be asheŋ. Men baa kaŋɛ anyi asheŋ nɛ anyee sha kebaanu na, hale nɛ a maŋ la kashenteŋ gba.

Eemɔs 7:12

Kede be kaman nɛ bɔrɛmatapo Amaziya kaŋɛ Eemɔs le: “Ta fo ebɔrɛdareana n shile anyi so! Bɛta n yɔ Juda be kasawule so n ya ka wora fo kenebiya be kushuŋ ndoŋ nsaa nya fo kusɔ jiso kumo to.

Maika 3:7

Bumo be bekama nɛ baa wu echefoso be asheŋ a kaŋɛ na beeŋ ŋaba, ŋkpal manɛ so kusɔ nɛ baaŋ kaŋɛ na maaŋ wora m bɔlɔ so. Baaŋ ji nyɔmɔ, ŋkpal manɛ so Ebɔrɛ maaŋ naaŋ tuge bumo.’ ”

1 Samuɛl 9:9

Ndoŋ nna nɛ Sɔɔl kaŋɛ le: “Mbo! An yɔ kebɔrɛnya nɛ e bee wu asheŋ a kaŋɛ na kutɔ.” E daŋ kaŋɛ le nna ŋkpal manɛ so loŋ be jemanɛ na so Ebɔrɛ daa bɔla asheŋ be kewuŋkaŋɛ so nna a malga a sa basa. Basa nɛ baa wu asheŋ a kaŋɛ na nɛ b daa tre anebiana loŋ be jemanɛ na.