2 Kronikɛls 32:23 - EBƆRƐ BE KAWƆL

²³ Basa damta daŋ shi Jerusalɛm nna n ta bumo be esarga m ba sa Enyɛnpe Ebɔrɛ na nseŋ ta ŋkɛ malɛ m ba sa ewura Hɛzekaya. Yili loŋ be saŋɛ na efuliana kikɛ daa sa ewura Hɛzekaya bunyaŋ nna.

2 Kronikɛls 32:23 ပူးပေါင်းရင်းမြစ်များ

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 10:25

Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

2 Bewura 19:30

Basa nɛ baaŋ ji efute ashi Juda be efuli so na beeŋ purge fanɛ aduuso nɛ amo be achin yɔ nchiŋ kasawule to nɛ wora ga na.

1 Kronikɛls 29:25

Enyɛnpe Ebɔrɛ daŋ maŋ Sɔlɔmɔn so nna nseŋ shin nɛ mbe kuwurji daa kɔ kemaŋkura a chɔ Israɛl be ewura kama peya; nɛ kumo be loŋ daŋ chinchiŋ efuli na so ebi kikɛ ga.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

2 Kronikɛls 17:11

Filistiebi na be beko daŋ ta gbiti damta nɛ ŋkɛ ko nna m ba sa ewura Jehoshafat a ŋini fanɛ b sɔ mo ŋ ki bumo be ewura. Nlɔrbu ko gba daŋ ta mbolpɔ ŋgboŋ ashunu nɛ alfa ashunu nɛ mboe ŋgboŋ ashunu nɛ alfa ashunu nna m ba sa mo.

2 Kronikɛls 17:5

Enyɛnpe Ebɔrɛ daŋ sa ewura Jehoshafat eleŋ nna nɛ Juda be efuli so be kusɔ kikɛ daa wɔ mbe kuwura be kaseto. Basa na kikɛ daŋ bar mo ŋkɛ nna nɛ e ki damawura nseŋ nya bunyaŋ n ya baŋ so.

2 Kronikɛls 9:24

Bewura nɛ baa ba mo kutɔ na be ekama daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ akɔsɔ nɛ asɔ nɛ a kɔ efɛa belbelso nɛ egbaŋɛ nɛ ekurma. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nshɛ 68:29

Nɛ bewura e ta ŋkɛ m ba fo bɔrɛlambu to ashi Jerusalɛm.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Matiu 2:11

B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.