2 Kronikɛls 32:22 - EBƆRƐ BE KAWƆL

²² Kananɛ Enyɛnpe Ebɔrɛ na mɔlga ewura Hɛzekaya nɛ Jerusalɛm be basa ashi Asiriya be ewurgboŋ Sennakerɛb nɛ bumo doŋana nɛ b ka na be enɔ to nna na. Kumo be kaman nɛ e shin nɛ kayurwushi ba bumo nɛ efuliana nɛ b chena m mata bumo na kikɛ to.

2 Kronikɛls 32:22 ပူးပေါင်းရင်းမြစ်များ

2 Bewura 19:30

Basa nɛ baaŋ ji efute ashi Juda be efuli so na beeŋ purge fanɛ aduuso nɛ amo be achin yɔ nchiŋ kasawule to nɛ wora ga na.

2 Kronikɛls 32:21

Nɛ Enyɛnpe Ebɔrɛ shuŋi malaika nɛ e ya mɔ Asiriya be benapo na nɛ bumo be benapo be benimuana na kikɛ. Nɛ ewurgboŋ na ta anishinyɔr m bɛta n yɔ epe. Kachako e ka wɔ mbe kegbir be lambu to nɛ mbe mbinyɛnsobi ko ta bumo be etokobi m ba mɔ mo.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Hoziya 1:7

Ma Enyɛnpe nɛ n la Juda be Ebɔrɛ na beeŋ wu Juda be basa bre kuwɔr nseŋ mɔlga bumo. Mannɛ kena ŋko tokobi so ŋko ata nɛ amo be atanyembi so ŋko egbaŋɛ ŋko egbaŋɛdiipo so nɛ meeŋ bɔla so m mɔlga bumo.”

Baru lela nɛ Jɔn kute na 16:13

Ama nɛ mo ere, kashenteŋ be Kiyoyu na kaŋ ba, e beeŋ ŋini menyi kashenteŋ be ekpa kikɛ. E maaŋ ta mo gbagba be kumu so be eleŋ m malga, asɔ nɛ e beeŋ nu nawule be asheŋ nɛ e beeŋ malga nseŋ kaŋɛ basa asɔ nɛ a beeŋ ba be asheŋ.

2 Tɛsalɔnikaebi 3:5

Enyɛnpe na e ŋini menyi be ŋgbene Ebɔrɛ be kasha nɛ Kristo be kanyiti na.

1 Samuɛl 14:23

B daŋ kɔ bumo kena hale n ya choŋ Bɛf Avɛn so. Kumo be kamɔnchɛ nɛ Enyɛnpe Ebɔrɛ mɔlga Israɛlebi na.