2 Kronikɛls 32:15 - EBƆRƐ BE KAWƆL

¹⁵ Men sa maŋ shin nɛ ewura Hɛzekaya e fule menyi nseŋ shin nɛ men foe akpa. Men sa maŋ yirda mo! Efuliana ere be kekama be kegbir maŋ naŋ tiŋ m mɔlga kumo be efuli be basa ashi Asiriya be ewurgboŋ na be enɔ to. Amoso menyi be Ebɔrɛ ere gba maaŋ tiŋ m mɔlga menyi!”

2 Kronikɛls 32:15 ပူးပေါင်းရင်းမြစ်များ

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

2 Bewura 18:29

Men sa maŋ shin nɛ ewura Hɛzekaya e fule menyi. E maaŋ tiŋ m mɔlga menyi.

2 Bewura 19:10

Kusɔ nɛ e kaŋɛ kawɔlbi na to nde: “Sa maŋ ta fo yirda n wɔtɔ fo Ebɔrɛ na to ŋko n shin nɛ mbe kekaŋɛ fanɛ Asiriya be ewura maaŋ tiŋ ŋ kɔ m pɔɔ Jerusalɛm so na e fule fo.

2 Kronikɛls 32:11

Men be ewura Hɛzekaya bee kaŋɛ menyi fanɛ Enyɛnpe men be Ebɔrɛ na beeŋ mɔlga menyi ashi anyi be enɔ to, ama e bee fule menyi nna nɛ akoŋ nɛ achukoŋ e mɔ menyi.

2 Kronikɛls 32:16

Asiriya be benimuana na gba daŋ malga asheŋ lubi dama ŋ gbiti Enyɛnpe Ebɔrɛ na nɛ mbe kayɛrbi Hɛzekaya.

Ɛksodɔs 10:10

Ndoŋ nna nɛ ewura Fɛɛro kaŋɛ bumo: “Enyɛnpe Ebɔrɛ na e nɛfa menyi, ama men sa maŋ keta men be beche nɛ mbia bre n yɔ! Kashenteŋto, nɛ men wora loŋ kumo ere, nfɛra lubi ko e wɔ menyi to na.

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Aizaaya 36:18

Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ kɔ n suge menyi. Efuli ko be agbirana daŋ tiŋ m mɔlga amo be basa ashi Asiriya be ewurgboŋ na be enɔ to a?

Ezikɛl 35:13

Ma alɛ naŋ nu mpuchi be mmalga nɛ men malga ŋ gbiti ma na gba.”

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 8:11

E daŋ kini kenu n sa ebɔrɛso be benapo be enimu na nna hale n shin nɛ e maŋ naa tiŋ a lara karechɛ kama be sarga na, nɛ kumo be loŋ shin nɛ bɔrɛlambu na maŋ naa du cheembi.

Ashuŋ Shunso 19:26

Menyi alɛ gba bee wu nseŋ naa nu kusɔ nɛ kanyɛn nɛ baa tre Pɔɔl na wɔtɔ a wora. E wɔtɔ nna a kaŋɛ basa fanɛ agbirana nɛ baa lɔŋɛ na maŋ la ebɔrɛana kikɛ. Mo alɛ tiŋ n shin nɛ basa damta ashi Ɛfeses nfe nɛ Eeshia be kasawule ere so be basa damta shuli fanɛ mbe kamalga na la kashenteŋ nna.

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.