2 Kronikɛls 31:21 - EBƆRƐ BE KAWƆL

²¹ Kusɔ kama nɛ e bee wora daa yɔ anishito nna ŋkpal bɔrɛlambu na to be kusɔ kama nɛ e wora ka daa walɛ nɛ mo alɛ naa kɔ kasonu n sa Enyɛnpe Ebɔrɛ be mbra na so.

2 Kronikɛls 31:21 ပူးပေါင်းရင်းမြစ်များ

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

2 Bewura 18:7

Amoso Enyɛnpe Ebɔrɛ na daa wɔ mo kutɔ nna saŋkikɛ. Amoso kusɔ kama nɛ e daa wora daa nyalɛ a sa mo nna. E daŋ kini kenu n sa Asiriya be ewura nɛ kebaala mbe kayɛrbi nna.

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

2 Kronikɛls 14:6

Mbe jemanɛ to e daŋ shin nna nɛ b naŋ pɔr egbalana n deŋi deŋi egbalana nɛ b pɔr ŋ kulti Juda be nde na so nɛ nde na nya eleŋ n ti so. Amoso nfɛ damta nɛ b daa maŋ naa kɔ kena ŋkpal Enyɛnpe Ebɔrɛ ka sa bumo kagbenewushi so.

2 Kronikɛls 14:7

Le nɛ e daŋ kaŋɛ Juda be basa: “Men shin nɛ an pɔr atempreŋ jeŋgreŋ nseŋ pɔr egbalana ŋ kulti anyi be ndeana, nseŋ wɔtɔ amo ekuloŋgboŋ nɛ anyeeŋ baa ti nsaa ta ndibi gboŋgboŋi a laga amo to. An kɔ kasawule na so be eleŋ. Ŋkpal an ka bee wora Enyɛnpe Ebɔrɛ be aparsheŋ so, E kuŋ anyi be ŋkpa ekpa kikɛ so.” Amoso b daŋ pere kenishi nna m pɔr ga nseŋ nya nɛfa malɛ ga.

2 Kronikɛls 20:26

Kumo be kachɛ nasopo na, nɛ b shɛr Bɛraka be ketaŋɛ na to nseŋ di Enyɛnpe Ebɔrɛ epaŋ ŋkpal kusɔ nɛ e wora so. Amoso nɛ baa tre ketaŋɛ na Bɛraka na. Kumo be kifito ashi Hibruwebi be ŋgbar to e la, kapandi.

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Aŋasa 3:10

Nɛ fee wora loŋ, fo mpuro beeŋ baa bɔlɔ a wurge nɛ fo nsapuya gba e baa bɔlɔ asɔ nuuso popɔr a wurge.

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Jɛremaya 29:13

Menyeeŋ fin ma kenishipereso nseŋ wu ma, nɛ ma nɛ menyi e baa wɔtɔ.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Ditɛronɔmi 10:12

To, Israɛl be basa, men nu kusɔ nɛ Enyɛnpe menyi be Ebɔrɛ na bee fin menyi kutɔ. Kumo e la fanɛ men bunyaŋ mo nseŋ bɛ mbe mbra kikɛ so nseŋ ta menyi be ŋgbene kikɛ n sha mo nseŋ shuŋ mo,

Ditɛronɔmi 29:9

Amoso, men baa bɛ menyi nɛ Enyɛnpe Ebɔrɛ na be kɔnɔkoŋwule be ŋkre na be atande so nɛnɛ, nɛ kusɔ kama nɛ menyeeŋ wora e nite nɛnɛ n sa menyi.

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.