2 Kronikɛls 31:14 - EBƆRƐ BE KAWƆL

¹⁴ Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

2 Kronikɛls 31:14 ပူးပေါင်းရင်းမြစ်များ

Jɛnesis 46:17

Ashɛr malɛ be mbia be atre e daa la Imna nɛ Ishwa nɛ Ishwi nɛ Beraya. Mbia na bumo sipoche e daa la Sera. Beraya malɛ be mbia be atre e daa la Heber nɛ Malkiɛl.

1 Kronikɛls 26:12

B daŋ yili kanaŋ kanaŋ so nna mbarga bɔrɛlambu na to be bekumpo na to ntuŋ ntuŋ so nseŋ sa bumo ashuŋ fanɛ bumo braana Livaiebi nɛ b ka na.

1 Kronikɛls 26:14

Shelemaya e daa keni epeŋilarkpa be kabuna na so nɛ mo pibinyɛn Zakareya nɛ e daa sa kasotoji lela na daa keni kelargato be esoso be kaba so be kabuna na so.

1 Kronikɛls 26:17

Karechɛ kama bekumpo ashe e daa keni bɔrɛlambu na be epeŋilarkpa be kaba so nɛ bena malɛ bee keni kumo be kelargato be esoso be kaba so nɛ bekumpo ana malɛ bee keni kelargato be kaseto be kaba so. Bekumpo ana malɛ e daa keni ebuana nɛ baa ta bumo be asɔ a yili to na so. Basa anyɔ anyɔ e daa keni ebu koŋwule so.

2 Kronikɛls 31:13

Ewura Hɛzekaya nɛ bɔrɛmatapo nimuso Azariya daŋ lara Livaiebi kudu malɛ nna fanɛ b baa chɛ bumo to a shuŋ. Bumo e la Jehiɛl nɛ Azariya nɛ Nahaf nɛ Asahɛl nɛ Jerimɔf nɛ Jozabad nɛ Elliɛl nɛ Ismakaya nɛ Mahaf nɛ Bɛnaya.

2 Kronikɛls 31:15

Nde kama nɛ bɔrɛmatapoana daa wɔ na, Livaiebi ko e daŋ bugi ŋgbene a chɛ mo to. Bumo e la, Edɛn nɛ Miniamin nɛ Joshuwa nɛ Shemaya nɛ Amariya nɛ Shekanaya. B daa yili kananɛ bumo braana Livaiebi be kushuŋ du so nna a chige ajibi na to dede a sa bumo.

Ɛzra 1:4

Bekama nɛ bumo nɛ Enyɛnpe Ebɔrɛ na be basa chena n sha abar e ta shuwa nɛ gbiti nɛ asɔ lela be yiri kikɛ nɛ asɔbɔya nɛ baaŋ ta n ya lara sarga ashi Ebɔrɛ be lambu nɛ k wɔ Jerusalɛm to na n chɛ bumo to.”

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Ɛzra 7:16

Ta shuwa nɛ egbiti nɛ baaŋ sa fo ashi Babilɔn be efuli so na nɛ esarga nɛ basa na nɛ bɔrɛmatapoana na beeŋ lara a laŋɛ bɔrɛlambu na be kaplɛa so na gba n ti so.

Nehemaya 13:13

B ka bar amo n loge nɛ n lara basa asa nɛ bumo be kebaawɔtɔ walɛ nɛ esa beeŋ tiŋ n yirda bumo nseŋ shin nɛ baa keni asɔ nɛ basa na bar na so nsaa chige amo to a sa basa. Basa nɛ n lara na e la Shelemaya nɛ e la bɔrɛmatapo na, nɛ Zadɔk nɛ e la mbra ŋinipo na, nɛ Pedaya nɛ e la Livai be esa na. Esa nɛ e daa chɛ bumo to e la Zakku pibinyɛn Hanan nɛ mo nananyɛn daa la Mataniya na.

Nshɛ 119:108

O Enyɛnpe Ebɔrɛ, sɔ ma kapandi be sarga nseŋ ŋini ma fo mbraana na.

Levitikɔs 2:10

Amo be amo nɛ a beeŋ ka na beeŋ baa la bɔrɛmatapoana peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 22:18

fanɛ e kaŋɛ Ɛɛrɔn nɛ mbe mbinyɛnsobi nɛ Israɛl be basa na kikɛ le: “Israɛl be esa kama ŋko efɔ kikɛ nɛ e wɔ Israɛl be efuli so m bar sarga chɔɔso, nɛ k la fanɛ e ba nɛ e ba tia kɔnɔ nna, ŋko kakɛ nɛ e bar, a daga fanɛ kusɔbɔya na e sa maa kɔ ndulgi.

Levitikɔs 23:38

Nchɛgboŋ ere kikɛ ti jemanɛ kikɛ be kewushiachɛana na so nna. Esarga ere gba ti jemanɛ kikɛ be ŋkɛ nɛ nnɔ naseso nɛ men tia nɛ menyi be ŋgbene to be ŋkɛ nɛ men kɔ a sa Enyɛnpe Ebɔrɛ na kikɛ so nna.)

Levitikɔs 27:28

Esa kama maŋ kɔ ekpa nɛ e fa ŋko n laŋɛ n tɔ kusɔ nɛ e ta n sa Enyɛnpe Ebɔrɛ na fanɛ k baa la mo peya mbaanaayɔ na. Dimɛdi ŋko kusɔbɔya ŋko kasawule kama nɛ b baŋ ta n sa Enyɛnpe Ebɔrɛ na ashi le be ekpa so, daga kechɔɔ m mur nna, ŋkpal manɛ so, esa na ŋko kusɔbɔya na ŋko kasawule na la Enyɛnpe Ebɔrɛ na peya nna mbaanaayɔ.

Nɔmbɛs 29:39

Men baa lara le be esarga ere kachɛgboŋ achɛ kikɛ n ti keparso ŋko kɔnɔ be ketia be esarga so.”

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.

Ditɛronɔmi 16:10

Kumo be kaman nɛ men ji Kasɔteŋi be kachɛgboŋ na. Menyeeŋ yili kananɛ Enyɛnpe menyi be Ebɔrɛ na nɛfa menyi na so n lara ŋkɛ m ba bunyaŋ mo.