2 Kronikɛls 31:10 - EBƆRƐ BE KAWƆL

¹⁰ nɛ bɔrɛmatapo nimuso Azariya nɛ e la Zadɔk be kaman to ebi be esa na kaŋɛ mo le: “Baŋ yili saŋɛ so nɛ basa na fara a bar bumo be ŋkɛ bɔrɛlambu to na, an bee nya ajibi nna a ji yɛlyɛla so. An daa nya amo kikɛ nna ŋkpal Enyɛnpe Ebɔrɛ na ka nɛfa mbe basa so. Keni amo be amo nɛ a ka.”

2 Kronikɛls 31:10 ပူးပေါင်းရင်းမြစ်များ

Jɛnesis 26:12

Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Jɛnesis 39:23

Kabutikenipo na be lakal daa maŋ naa deŋ kusɔ kama nɛ Josɛf daa wora so, ŋkpal manɛ so, Enyɛnpe na daa wɔ mo kutɔ nna a nɛfa kusɔ kama nɛ k daa wɔ mbe enɔ to nɛ k bee wora nɛnɛ.

Jɛnesis 39:5

Baŋ yili jemanɛ nɛ Potifa ta Josɛf ŋ ki mbe laŋ to nɛ mbe asɔ kikɛ so be enimu na, Enyɛnpe na daŋ kpal Josɛf so nna n nɛfa mbe laŋ to nɛ mbe ndɔ to be asɔ kikɛ nyam.

1 Bewura 2:35

Nɛ Ewura Sɔlɔmɔn ta Banaya n yili Jɔab be eyilikpa nɛ e ki mbe benapo be enimu, nseŋ ta bɔrɛmatapo Zadɔk malɛ n yili Abiata be eyilikpa nɛ e ki mbe bɔrɛmatapo.

1 Kronikɛls 29:16

O Enyɛnpe Ebɔrɛ, asɔ damta nɛ an ta m ba nɛ an ba pɔr bɔrɛlambu m maŋkura fo ketre ere kikɛ la fo peya nna. Fo e wɔ amo nseŋ ta amo n sa anyi.

1 Kronikɛls 6:14

Sɛraya nɛ Jehozadak.

1 Kronikɛls 6:8

Zadɔk nɛ Ahimaaz nɛ

1 Kronikɛls 6:9

Azariya nɛ Johanan nɛ

2 Kronikɛls 26:17

Ndoŋ nna bɔrɛmatapo Azariya nɛ bɔrɛmatapoana aduburwa nɛ b kɔ kenyɛn ga daŋ bɛ ewura na so

2 Kronikɛls 31:13

Ewura Hɛzekaya nɛ bɔrɛmatapo nimuso Azariya daŋ lara Livaiebi kudu malɛ nna fanɛ b baa chɛ bumo to a shuŋ. Bumo e la Jehiɛl nɛ Azariya nɛ Nahaf nɛ Asahɛl nɛ Jerimɔf nɛ Jozabad nɛ Elliɛl nɛ Ismakaya nɛ Mahaf nɛ Bɛnaya.

2 Kronikɛls 31:9

Ndoŋ nna nɛ ewura na bishi bɔrɛmatapoana na nɛ Livaiebi na ŋkɛ na be asheŋ

Ɛksodɔs 36:7

ŋkpal manɛ so, asɔ nɛ b daŋ bar na gba daa beeŋ tiŋ n shuŋ kushuŋ na kanaŋkamaso.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 11:24

Kakɛ maa loge asɔ. Beko bee kɛ ga, bumo alɛ nsaa dii dama saŋkikɛ, nɛ beko malɛ kɔ miri ga nsaa la betirpo saŋkikɛ.

Aŋasa 3:10

Nɛ fee wora loŋ, fo mpuro beeŋ baa bɔlɔ a wurge nɛ fo nsapuya gba e baa bɔlɔ asɔ nuuso popɔr a wurge.

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Levitikɔs 25:21

Ma, Enyɛnpe Ebɔrɛ na beeŋ nɛfa kasawule na kafɛ shesopo na to, saŋɛ na so adɔjibi nɛ a beeŋ wora na beeŋ tiŋ n ji menyi n fo nfɛ asa.

Heegai 2:18

Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Nɔmbɛs 22:12

Nɛ Enyɛnpe Ebɔrɛ kaŋɛ Balaam le: “Sa maŋ kaŋ tu basa ere n yɔ, fo alɛ maŋ kraa sho Israɛlebi na kɔnɔ, ŋkpal manɛ so ma nɛfa wɔ bumo so nna.”

Matiu 15:37

Nɛ bumo kikɛ we m moɛ. Kumo be kaman nɛ bebɛsopo na tise ejiŋka na m bɔlɔ nlantaŋɛ ashunu.

Ditɛronɔmi 28:8

Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.