2 Kronikɛls 31:1 - EBƆRƐ BE KAWƆL

¹ Kejigboŋ na ka loge, nɛ Israɛlebi na yɔ Juda be efuli so be kade kikɛ to, n ya bure ndoŋ be ajembu be eshabɔrɛ nɛ kegbirche Ashira be mpɔrduli be ndibi n lɛ nseŋ mur ndoŋ be ebɔrɛsure nɛ kakpa nɛ nnyamase bee shuŋ bumo be agbirana na kikɛ. B daŋ wora loŋ nna ashi Juda be efuli so kikɛ nɛ Bɛnjamin nɛ Efrayim nɛ Manase be kaba so kikɛ. Kumo be kaman nɛ b bɛta n yɔ epe.

2 Kronikɛls 31:1 ပူးပေါင်းရင်းမြစ်များ

Jɛnesis 19:15

Kaboŋ ka ba kpaŋɛ to nɛ emalaika na wora ania fanɛ baaŋ shin nɛ Lɔt e wora manaŋ nseŋ kaŋɛ mo le: “Wora manaŋ n ta fo eche nɛ fo bibiche anyɔ ere n lar, saŋɛ na so men maaŋ paŋ menyi be ŋkpa saŋɛ nɛ kade ere bee mur na.”

2 Bewura 17:2

Mo alɛ gba daŋ wora alubi ŋ gbiti Enyɛnpe Ebɔrɛ nna, ama mbe alubi daa maŋ fo bumo nɛ b juŋkpar mo n ji kuwura na so.

2 Bewura 18:22

Kede be kaman nɛ Asiriya be benapo be enimu na naŋ kaŋɛ: “Ŋko menyee sha kekaŋɛ ma fanɛ Enyɛnpe menyi be Ebɔrɛ na nɛ men ta menyi be amu a to so! Mannɛ Enyɛnpe Ebɔrɛ na be ebɔrɛsure nɛ mboŋ nɛ baa shuŋ mo na nɛ Hɛzekaya kaŋɛ fanɛ b mur amo kikɛ nseŋ ka kakpa koŋwule n sa basa nɛ b wɔ Juda be efuli so nɛ Jerusalɛm to nɛ b baa shuŋ Ebɔrɛ ndoŋ nawule a?

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Kronikɛls 14:2

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna.

2 Kronikɛls 14:3

E daŋ bure efuli pɔtɛana so be ebɔrɛsureana nɛ mboŋ nɛ baa shuŋ bumo be agbirana kikɛ nna nseŋ bure agbirjembu nɛ eshabɔrɛ be mboŋ nɛ basa bee shuŋ kegbirche Ashira na ashi mbe efuli so.

2 Kronikɛls 23:17

Kumo be kaman nɛ b ya da Baal be lambu na n lɛ nseŋ bure kumo be ebɔrɛsure nɛ agbirana nɛ a wɔ ndoŋ na kikɛ nseŋ mɔ Maatan nɛ e la Baal be kegbirwura na ashi ebɔrɛsureana na ase gbagba.

2 Kronikɛls 32:12

Mannɛ mo e daŋ bure agbir nɛ ebɔrɛsure na nseŋ kaŋɛ Juda nɛ Jerusalɛm be basa fanɛ b baa chɔɔ duwu ashi bɔrɛsure koŋwule so na a?

2 Kronikɛls 33:3

E daŋ lɔŋɛ nna m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nɛ ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Aizaaya 17:8

B maaŋ naŋ ta bumo be yirda n deŋi agbirsure nɛ bumo gbagba pɔr na ŋko ndibi tenteŋ nɛ b yuu kakpa nɛ baa shuŋ kegbir cheso nɛ baa tre Ashira na, nsaa chɔɔ eduwu agbirsure so ndoŋ na so.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.