2 Kronikɛls 30:6 - EBƆRƐ BE KAWƆL

⁶ Ewura na nɛ mbe benimuana na daŋ shin nna nɛ mbɔ ta le be kubɔya ere n yɔ Juda nɛ Israɛl be efuli so kikɛ: “Menyi Israɛl be basa nɛ men nya men be amu saŋɛ so nɛ Asiriyaebi daŋ kɔ n sɔ kasawule ere na, e bɛta m ba Enyɛnpe Ebɔrɛ nɛ e la an nananyɛnana Eebraham nɛ Aizek nɛ Jeekɔb be Ebɔrɛ na kutɔ nɛ mo alɛ gba e sɔ menyi.

2 Kronikɛls 30:6 ပူးပေါင်းရင်းမြစ်များ

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

1 Kronikɛls 5:26

Amoso Ebɔrɛ daŋ shin nna nɛ Asiriya be ewura Puul nɛ mbe ketre ko bee ji Tiglaf Pilesa na, ya kɔ bumo be efuli na m pɔɔ bumo so. E daŋ pɛ Ruben nɛ Gad nɛ Manase be epeŋilarkpa be kaba so be basa nna n tintiŋ bumo n yɔ nde wɔfɔ nɛ baa tre Haala nɛ Haabɔ nɛ Haara nɛ a mata Gozan be Lɔr na n shin nɛ b chena ndoŋ hale kabre.

2 Kronikɛls 28:20

Asiriya be ewurgboŋ na ka beeŋ chɛ Ahaz to na, nɛ e naŋ kilgi a fin asheŋ a sa mo.

Ɛsta 3:13

Mbɔ nɛ b kɔ eleŋ a shile ga na, nɛ b ta nwɔl na n shuŋi fanɛ b chige efuli na so kikɛ. Kusɔ nɛ kawɔl na bee kaŋɛ e la fanɛ b mɔ Juwebi na kikɛ kufɔl kuduanyɔsopo nɛ baa tre Ada na be kachɛ kuduasasopo na to. Kawɔl na bee ŋini fanɛ b mɔ mbia nɛ benimu nɛ beche nɛ mbiwurbi kikɛ kumo be kamɔnchɛ na nseŋ muu bumo be asɔ nɛ b kɔ kikɛ.

Ɛsta 8:14

Ndoŋ nna nɛ ewura sa ekpa nɛ egbaŋɛdiipoana na ta ewurkpa be egbaŋɛ na n lar n shile eleŋso n ya chige nwɔl na efuli na kikɛ so. Nɛ mbra na sɔ Susa gba be kade to kikɛ.

Job be kawɔl 9:25

K du fanɛ ma nchɛ bee choŋ manaŋ manaŋ nna, nɛ m maŋ naa tama kagbenefuli kikɛ kuraa.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Jɛremaya 29:1

N daŋ sibɛ kawɔl n sa bɔrɛmatapoana nɛ anebiana nɛ bejuŋkparpoana nɛ basa kama nɛ ewura Nebukadneeza daŋ pɛ n shi Jerusalɛm n yɔ Babilɔn be efuli so na kikɛ nna.

Jɛremaya 3:14

Menyi basa nɛ men maŋ kɔ kashenteŋji ere, men bɛta m ba ma kutɔ. Ŋkpal manɛ so, men la ma basa nna. Meeŋ keni menyi be ndeana to nɛ kanaŋ be mbunaana to n lara basa koko ŋko benyɔnyɔ nɛ b juŋkpar menyi m bɛta m ba kebee nɛ baa tre Zayɔn na so.

Jɛremaya 4:1

Nɛ Enyɛnpe Ebɔrɛ yɛ: “Israɛl be basa, nɛ fanɛ menyeeŋ bɛta kashenteŋto, men bɛta m ba ŋ kutɔ. Nɛ fanɛ menyeeŋ ji kashenteŋ n sa ma nseŋ yige kebaashuŋ agbirana nɛ ŋ kishi amo be asheŋ na,

Jɛremaya 51:31

Mbɔ malɛ baa yɔ kukoko to nna n ya kaa bɔ Babilɔn be ewura kubɔya fanɛ bedoŋ teŋ ŋ kɔ n suge bumo be kadegboŋ na kikɛ kuraa.

Nfabel 3:40

Men shin nɛ an keni anyi be asheŋ woraso to nɛnɛ nseŋ naŋ bɛta m ba Enyɛnpe Ebɔrɛ na kutɔ.

Nfabel 5:21

O Enyɛnpe Ebɔrɛ, naŋ bɛta anyi m ba fo kutɔ! Nseŋ naŋ shin nɛ an nya anyi be kebaawɔtɔ lela dra na!

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Zakareya 1:4

Men sa maa wora fanɛ men nanaana na. Dra na kikɛ nɛ anebiana na ta ma kubɔya na n sa bumo fanɛ b sa maa wɔ kebaawɔtɔ lubi to. Ama b daa maŋ nu n sa ma ŋko n wora ma mmalga kasonu.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.