2 Kronikɛls 30:5 - EBƆRƐ BE KAWƆL

⁵ B daŋ yili Dan be kasawule so be kelargato be esoso be kaba so nna n tre Israɛlebi na kikɛ n ya fo Bɛshiba be kelargato be kaseto be kaba so fanɛ b chala abar a chɔ kananɛ b daa chala abar na m ba Jerusalɛm m ba ji kebansonchoŋ be kejigboŋ na kananɛ mbra na ŋini na.

2 Kronikɛls 30:5 ပူးပေါင်းရင်းမြစ်များ

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

2 Kronikɛls 24:9

E daŋ sa ebɔl Jerusalɛm nɛ Juda kikɛ to nna fanɛ b ta bumo be etoto m ba bɔrɛlambu nɛ k wɔ Jerusalɛm na to fanɛ kananɛ Ebɔrɛ be kenya Mosis daŋ yili kumo kiyi to fanɛ b baa sɔ Israɛlebi na kutɔ a sa Enyɛnpe Ebɔrɛ na.

2 Kronikɛls 30:4

Ewura na nɛ basa na kikɛ be ŋgbene daŋ fuli bumo nna ŋkpal kusɔ nɛ b kre na so.

2 Kronikɛls 35:18

Baŋ yili anebi Samuɛl be jemanɛ so kikɛ, basa daŋ maŋ naŋ shɛr alegaiso n ji kebansonchoŋ be kejigboŋ loŋ kikɛ. Bewura nɛ b ji n choŋ na be ekama daŋ maŋ ji kebansonchoŋ be kejigboŋ fanɛ kananɛ ewura Josaya nɛ bɔrɛmatapoana nɛ Livaiebi nɛ Juda nɛ Israɛl nɛ Jerusalɛm be basa kikɛ chala n ji kumo na.

2 Kronikɛls 36:22

Pɛshiya be ewurgboŋ nɛ baa tre Sairus na be kuwurji be kafɛ juŋkparso to nɛ Enyɛnpe Ebɔrɛ shin nɛ e sibɛ kubɔya ere n wɔtɔ nwɔl to nseŋ chige nwɔl na n sa mbe efuli so kikɛ ebi nɛ b kraŋ nwɔl na awɔrso, saŋɛ na so kusɔ nɛ e bɔlɔ anebi Jɛremaya so m malga na beeŋ bɔlɔ so.

Danɛl 6:8

Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.”

Levitikɔs 23:2

e kaŋɛ Israɛl be basa na le: “Nchɛgboŋ nɛ menyeeŋ baa shɛr a bunyaŋ ma, Enyɛnpe Ebɔrɛ na nde:

Levitikɔs 23:4

Nchɛgboŋana nɛ Enyɛnpe Ebɔrɛ na yili nɛ a la nchɛ cheembiana nɛ menyeeŋ baa shɛr nde:

1 Kɔrintebi 11:2

Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.