2 Kronikɛls 30:27 - EBƆRƐ BE KAWƆL

²⁷ Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

2 Kronikɛls 30:27 ပူးပေါင်းရင်းမြစ်များ

1 Bewura 8:30

Saŋkama nɛ ma nɛ fo basa Israɛlebi baŋ kilgi anishito n shoŋi kakpa ere a kule fo Ebɔrɛ, fo yili fo pe ebɔrɛso n nu n sa anyi nseŋ ta anyi be alubi m paŋ anyi.

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

2 Kronikɛls 23:18

Ewura Jehowada daŋ shin nna nɛ bɔrɛmatapoana nɛ Livaiebi na bee keni bɔrɛlambu na be kushuŋ so fanɛ kananɛ ewura Deevid yili n sa bumo na. Bumo be kushuŋ e la kebaachɔɔ esarga nɛ b lara n sa Enyɛnpe Ebɔrɛ na ashi Mosis be mbra be ekpa so, nɛ kebaajuŋkpar a boŋ nshɛ kasheŋwora kikɛ to.

2 Kronikɛls 6:21

Saŋkama nɛ ma nɛ fo basa Israɛlebi baŋ kilgi anishito n shoŋi kakpa ere a kule fo Ebɔrɛ, fo yili fo pe ebɔrɛso n nu n sa anyi nseŋ ta anyi be alubi m paŋ anyi.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Ɛksodɔs 39:43

Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jona 2:7

Ma ŋkpa kaa bee fo ekar na nɛ n nyiŋi fo, Enyɛnpe Ebɔrɛ na, nseŋ kule fo nɛ fo nu ma kekule ashi fo bɔrɛlambu cheembi na to.

Ashuŋ Shunso 10:4

Nɛ e ta mbe anishi n yuu malaika na so kufuso nseŋ bishi mo: “Manɛ nna, n nyɛnpe?” Nɛ malaika na kaŋɛ: “Ebɔrɛ nu fo kabɔrɛkuleana nseŋ naŋ wu fo kelela be kewora na nsaa shin nɛ e wora asɔ nɛ fee kule na.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Ditɛronɔmi 26:15

Amoso yili fo kakpa cheembi ashi ebɔrɛso n nɛfa fo basa Israɛlebi nɛ kasawule lela nɛ k kɔ eleŋ a wora adɔjibi nɛ fo ta n sa anyi na gba, fanɛ kananɛ fo nase kumo be kɔnɔ n sa an nanaana na.”