2 Kronikɛls 30:24 - EBƆRƐ BE KAWƆL

²⁴ Ewura Hɛzekaya daŋ sa basa na egbolu kagboŋ nɛ ekpakpa ŋgboŋ ashunu nna fanɛ b mɔ n we. Nɛ benimuana na malɛ sa bumo egbolu kagboŋ nɛ ekpakpa ŋgboŋ kudu, nɛ bɔrɛmatapoana damta fɔr bumo be amu so daŋkare be ekpa so.

2 Kronikɛls 30:24 ပူးပေါင်းရင်းမြစ်များ

2 Samuɛl 6:19

Kumo be kaman nɛ e chige bumo kikɛ ajibi. E daŋ sa benyɛn nɛ beche nɛ b wɔ Israɛl na kikɛ ebodobodo nɛ eblaŋ tɔso nɛ asɔrso jiso nɛ ekama ta n yɔ laŋ to.

2 Kronikɛls 29:34

Ŋkpal bɔrɛmatapoana ka daa maŋ shibi nɛ b bɛ asɔbɔya na so, Livaiebi na e daŋ chɛ bumo to m bɛ asɔbɔya na kikɛ. Loŋ be jemanɛ na, nɛ Livaiebi damta tiŋ n fɔr bumo be amu so daŋkare be ekpa so nɛ bɔrɛmatapoana na bre be damta daa maŋ naŋ wora loŋ.

2 Kronikɛls 30:15

B daŋ mɔ ekpakpafɔlbi nɛ b kɔ a lara kebansonchoŋ be kejigboŋ be sarga kufɔl na be kachɛ kuduanasopo na to nna. Anishinyɔr daŋ pɛ Bɔrɛmatapoana nɛ Livaiebi nɛ b daa maŋ walɛ so daŋkare be ekpa so na nna nɛ b ta bumo be amu n bɔɔ Enyɛnpe Ebɔrɛ enɔ pɔɛŋ nseŋ tiŋ n lara sarga chɔɔso bɔrɛlambu na to.

Ezikɛl 45:17

Mo e daga fanɛ e yili Israɛl be efuli na kikɛ be katelamu n lara asɔbɔya nɛ baaŋ ta n lara esarga chɔɔso nɛ baaŋ ta n lara ayu be esarga nɛ yabra belbelso be esarga na kikɛ jemanɛ nɛ baa ji Kufɔl Popɔr be Kachɛgboŋ nɛ Kewushiachɛ na nɛ nchɛgboŋ nɛ a ka na kikɛ na. Mo koŋwule na e daga fanɛ e lara asɔbɔya nɛ b ta n lara alubi nɛ ayu nɛ sarga chɔɔso nɛ kɔnɔkoŋwule be esarga nɛ e kpra Israɛl be basa be alubi.”

Ɛfesesebi 4:8

Amoso nɛ abɔrɛsibɛ na bee kaŋɛ le na fanɛ: “E ka daŋ dii n yɔ esoso na, e daŋ yɛr anya nna nseŋ kɛ basa ŋkɛana.”