2 Kronikɛls 30:21 - EBƆRƐ BE KAWƆL

²¹ Basa nɛ b daŋ ba shɛr Jerusalɛm na daŋ ta nchɛ ashunu nna n ji bodobodo nɛ a maŋ kɔ yiisi be kejigboŋ na kagbenefuliso nɛ Livaiebi na nɛ bɔrɛmatapoana na bee boŋ nshɛ nsaa laŋ alaŋsɔ a di Enyɛnpe Ebɔrɛ epaŋ karechɛ kikɛ.

2 Kronikɛls 30:21 ပူးပေါင်းရင်းမြစ်များ

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

2 Kronikɛls 30:11

Ama amo nɛ amo kikɛ, eyiri nɛ b daa shi Ashɛr nɛ Manase nɛ Zɛbyulɔn be kaba so na be basa ko bre daa sha keba Jerusalɛm nna.

2 Kronikɛls 30:26

Kagbenefuli daŋ baa wɔ Jerusalɛm kikɛ to nna, ŋkpal manɛ so yili ewura Deevid pibinyɛn, ewura Sɔlɔmɔn be jemanɛ so kikɛ, loŋ be asheŋ maŋ naŋ wora kikɛ.

2 Kronikɛls 35:17

Ndoŋ nna nɛ Israɛl be basa na ta nchɛ ashunu m bɛ abar so n ji Kebansonchoŋ be kejigboŋ na. Kumo koŋwule nɛ baa tre Bodobodo nɛ a maŋ kɔ yiisi na be kejigboŋ na.

2 Kronikɛls 7:10

Kumo be ŋklade nɛ k la kufɔl shunusopo na be nchɛ adunyɔ nɛ asa na, nɛ ewura Sɔlɔmɔn shin nɛ basa na kikɛ yɔ bumo peana. Bumo be ŋgbene daŋ fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ ewura Deevid nɛ ewura Sɔlɔmɔn so.

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Nehemaya 8:17

Bekama nɛ b shi Babilɔn be kadegboŋ na to m bɛta m ba daŋ yuu abuu nna a wɔ amo to a ji Abuu to be Kachɛgboŋ na kagbenefuliso nna. Ŋkpal manɛ so, yili Nun pibinyɛn Joshuwa, nɛ e fara n juŋkpar Israɛlebi na ŋ kɔ n sɔ kasawule na be jemanɛ na kikɛ b maŋ daŋ naŋ ji kachɛgboŋ na kikɛ ama loŋ be kachɛ na.

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 13:6

Menyeeŋ ji bodobodo nɛ a maŋ kɔ yiisi bɔkwe na nseŋ wora kejigboŋ kumo be kachɛ shunusopo na n nyiŋi kananɛ Enyɛnpe Ebɔrɛ na lara menyi ashi Ijipt be efuli so.

Levitikɔs 23:6

Ebodobodo nɛ a maŋ kɔ yiisi na be Kachɛgboŋ na malɛ bee fara kufɔl na be nchɛ kuduanu nna. Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora.

Luuk 2:43

Kejigboŋ na be jemanɛ ka ba choŋ nɛ b bɛta m pɛ epe be ekpa. Ama bumo alɛ daa maŋ nyi Yesu ka kraa wɔ Jerusalɛm to.

Luuk 22:1

Bodobodo nɛ a maŋ kɔ yiisi be Kejigboŋ nɛ baa tre Kebansonchoŋ na ka ba kaa taga to

Luuk 22:7

Ndoŋ nna nɛ bodobodo nɛ a maŋ kɔ yiisi na be kachɛ fo. Kumo be kamɔnchɛ nɛ baa mɔ Kebansonchoŋ be kpakpafɔlbi a lara sarga na.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.