2 Kronikɛls 30:19 - EBƆRƐ BE KAWƆL

¹⁹ E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

2 Kronikɛls 30:19 ပူးပေါင်းရင်းမြစ်များ

Jɛnesis 1:21

E ka kaŋɛ loŋ na nɛ e to nchu to be asɔ futeso gboŋgboŋiana be yiri yiri kikɛ nɛ kusɔ futeso be yiri kama nyam nɛ k wɔ nchu to nseŋ naŋ to mbuibi be yiri yiriana kikɛ verr. Loŋ ka wora na nɛ Ebɔrɛ wu fanɛ k walɛ.

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 20:33

ama e daa maŋ mur ndoŋ be mboŋ nɛ baa shuŋ agbir na kikɛ. Ŋkpal loŋ so basa na daa maŋ ta bumo be ŋgbene kikɛ m bɛ bumo nananyɛnana be Ebɔrɛ na so.

Ɛzra 6:21

Basa nɛ b chena m mata Israɛlebi na nseŋ lara bumo be amu ashi nnyamase nɛ bumo be agbirsheŋ to nseŋ ta bumo be amu n sa Israɛl be Ebɔrɛ na e tu Israɛlebi na n ji kejigboŋ na.

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Job be kawɔl 11:13

Job, yili fo kagbene kukoŋwule n sa Ebɔrɛ, nseŋ bɛta n yɔ mo kutɔ kabɔrɛkule to.

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Levitikɔs 12:4

Kumo be nchɛ adesa nɛ asa be kaman pɔɛŋ nɛ e beeŋ nyalɛ so ashi ŋklaŋ nɛ a lar mo to na to. A maŋ daga e ka beta kusɔ kama nɛ k du cheembi ŋko n luri wajɛbu cheembi na to ama nchɛ adesa nɛ asa na fo ekar.

Nɔmbɛs 9:6

Basa na be beko daŋ wora eyurpi nna daŋkare be ekpa so ŋkpal b ka beta ebuni so. Amoso b daa maŋ tiŋ n ji kebansonchoŋ be kejigboŋ na loŋ be kachɛ na. Ndoŋ nna nɛ b yɔ Mosis nɛ Ɛɛrɔn kutɔ

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”