2 Kronikɛls 30:18 - EBƆRƐ BE KAWƆL

¹⁸ Amo nɛ amo kikɛ basa na be bedamta nɛ b shi Efrayim nɛ Manase nɛ Isaaka nɛ Zɛbyulɔn be eyiri to na daa maŋ fɔr bumo be amu so daŋkare be ekpa so nseŋ ji kebansonchoŋ be kejigboŋ na ekpa nɛ k maŋ daga so. Ndoŋ nna nɛ ewura Hɛzekaya kule le be kabɔrɛkule ere n sa bumo.

2 Kronikɛls 30:18 ပူးပေါင်းရင်းမြစ်များ

Jɛnesis 20:17

Ŋkpal Abimelɛk ka daŋ suge Eebraham be eche Sɛɛra so, Enyɛnpetale daŋ ti mbe laŋ to ebi kikɛ be kakurge nna. Ndoŋ nna nɛ Eebraham kule Ebɔrɛ nɛ Ebɔrɛ chɛ Abimelɛk nɛ mbe eche nɛ mbe anyache kikɛ, saŋɛ na so baaŋ naŋ tiŋ ŋ kurge mbia.

Jɛnesis 20:7

Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

2 Bewura 5:18

Ama mee kule Enyɛnpe Ebɔrɛ nna nɛ e ta ma alubi m paŋ ma saŋkama nɛ n shuŋi n nyɛnpe Siriya be ewura na n yɔ kegbirlambu to n ya bunyaŋ kegbir nɛ baa tre Rimmɔn na.

2 Kronikɛls 30:11

Ama amo nɛ amo kikɛ, eyiri nɛ b daa shi Ashɛr nɛ Manase nɛ Zɛbyulɔn be kaba so na be basa ko bre daa sha keba Jerusalɛm nna.

2 Kronikɛls 30:25

Amoso Judaebi na nɛ bɔrɛmatapoana na, nɛ Livaiebi na, nɛ Israɛlebi na, nɛ befɔ nɛ b wɔ Israɛl nɛ Juda be efuli so kikɛ be ŋgbene daŋ fuli bumo nna.

2 Kronikɛls 34:9

Le be basa asa ere daŋ ta amansherbi nɛ Livaiebi nɛ baa keni bɔrɛlambu be mbunaana so na daŋ sɔ ashi Manase be epeŋitɔrkpa be kaba so be basa, nɛ Efrayim nɛ Israɛl be basa nɛ b ka na, nɛ bekama nɛ b wɔ Juda nɛ Bɛnjamin nɛ Jerusalɛm na, nna n ya sa bɔrɛmatapo nimuso Hilkiya.

2 Kronikɛls 6:21

Saŋkama nɛ ma nɛ fo basa Israɛlebi baŋ kilgi anishito n shoŋi kakpa ere a kule fo Ebɔrɛ, fo yili fo pe ebɔrɛso n nu n sa anyi nseŋ ta anyi be alubi m paŋ anyi.

Nshɛ 119:68

Fo la esa lela nna nɛ fo asheŋ woraso kikɛ la asheŋ lela; amoso ŋini ma fo mbraana.

Nshɛ 25:8

Ŋkpal Enyɛnpe Ebɔrɛ ka walɛ nɛ mbe asheŋ woraso niŋi ekpa so, e bee ŋini alubiworapoana mbe ekpa nna nɛ b bɛ so.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Danɛl 9:19

Enyɛnpe Ebɔrɛ, nu anyi be kekule nseŋ ta an be alubi m paŋ anyi! Enyɛnpe Ebɔrɛ, wora kusɔ ko n sa anyi naniere, saŋɛ na so fo ketre beeŋ nya kemaŋkura.”

Levitikɔs 10:20

Mosis ka nu Ɛɛrɔn be kamalga na nɛ mbe kagbene wushi mo.

Nɔmbɛs 19:20

Esa kama nɛ e wora eyurpi daŋkare be ekpa so nseŋ kini kefɔr mbe kumu so daŋkare be ekpa so wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 9:7

n ya kaŋɛ bumo le: “An wora eyurpi ŋkpal an ka beta ebuni so nna, ama manɛ nna nɛ anyi maaŋ tiŋ n ji kebansonchoŋ be kejigboŋ na nseŋ lara anyi be esarga m ba sa Enyɛnpe Ebɔrɛ loŋ be kachɛ na fanɛ kananɛ an braana Israɛlebi na wora na?”

1 Kɔrintebi 11:28

Amoso, a daga fanɛ esa e keni mbe kumu so nɛnɛ pɔɛŋ nseŋ we Enyɛnpe be bodobodo na nseŋ nuu asɔnuuso na ashi kawiebi na to.

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.