2 Kronikɛls 30:17 - EBƆRƐ BE KAWƆL

¹⁷ Ŋkpal basa na be bedamta ka daa maŋ walɛ so daŋkare be ekpa so na so, b daa maŋ tiŋ m mɔ kebansonchoŋ be ekpakpafɔlbi na. Amoso Livaiebi na e daŋ mɔ bumo be asɔbɔya nseŋ ta amo m bɔɔ Enyɛnpe Ebɔrɛ na enɔ n sa bumo.

2 Kronikɛls 30:17 ပူးပေါင်းရင်းမြစ်များ

2 Kronikɛls 29:34

Ŋkpal bɔrɛmatapoana ka daa maŋ shibi nɛ b bɛ asɔbɔya na so, Livaiebi na e daŋ chɛ bumo to m bɛ asɔbɔya na kikɛ. Loŋ be jemanɛ na, nɛ Livaiebi damta tiŋ n fɔr bumo be amu so daŋkare be ekpa so nɛ bɔrɛmatapoana na bre be damta daa maŋ naŋ wora loŋ.

Ɛksodɔs 12:6

Men lara loŋ be asɔbɔya na n yili hale n ya fo kufɔl ere be kachɛ kuduanasopo na be kaaseso. Saŋɛ nɛ kaboŋ bee biri to na nɛ men mɔ amo.

Ezikɛl 44:11

B kraa beeŋ tiŋ a shuŋ bɔrɛlambu na to fanɛ basa nɛ baa keni mbunaana na so nseŋ naŋ tiŋ n chɛ basa na to m mɔ asɔbɔya nɛ b ta a lara esarga na.

Nɔmbɛs 9:7

n ya kaŋɛ bumo le: “An wora eyurpi ŋkpal an ka beta ebuni so nna, ama manɛ nna nɛ anyi maaŋ tiŋ n ji kebansonchoŋ be kejigboŋ na nseŋ lara anyi be esarga m ba sa Enyɛnpe Ebɔrɛ loŋ be kachɛ na fanɛ kananɛ an braana Israɛlebi na wora na?”

Baru lela nɛ Jɔn kute na 11:55

Saŋɛ na so nɛ Juwebi be Kebansonchoŋ be kejigboŋ be saŋɛ bee fo nɛ basa damta shi ndewurbiana na to n juŋkpar n yɔ nɛ b ya fɔr bumo be amu so pɔɛŋ nɛ Kebansonchoŋ be kachɛ na gbagba e fo.