2 Kronikɛls 30:11 - EBƆRƐ BE KAWƆL

¹¹ Ama amo nɛ amo kikɛ, eyiri nɛ b daa shi Ashɛr nɛ Manase nɛ Zɛbyulɔn be kaba so na be basa ko bre daa sha keba Jerusalɛm nna.

2 Kronikɛls 30:11 ပူးပေါင်းရင်းမြစ်များ

1 Kronikɛls 9:3

Bumo be basa nɛ b shi Juda nɛ Bɛnjamin nɛ Efrayim nɛ Manase be yiri to na daŋ ya chena Jerusalɛm nna.

2 Kronikɛls 11:16

Ndoŋ nna nɛ Israɛl be eyiriana na to be basa nɛ b daa sha kebaashuŋ Enyɛnpe Ebɔrɛ kashenteŋto na bɛ bɔrɛmatapoana na nɛ Livaiebi na so n yɔ Jerusalɛm, saŋɛ na so baaŋ tiŋ a lara esarga a sa Enyɛnpe Ebɔrɛ nɛ e la bumo nananyɛnana be Ebɔrɛ na.

2 Kronikɛls 12:12

Ŋkpal ewura Rehoboam ka naŋ bɛta m ba Enyɛnpe Ebɔrɛ kutɔ so, Enyɛnpe na be agbo daa maŋ mur mo cheche, nɛ asheŋ naŋ nyalɛ ashi Juda be efuli so.

2 Kronikɛls 30:18

Amo nɛ amo kikɛ basa na be bedamta nɛ b shi Efrayim nɛ Manase nɛ Isaaka nɛ Zɛbyulɔn be eyiri to na daa maŋ fɔr bumo be amu so daŋkare be ekpa so nseŋ ji kebansonchoŋ be kejigboŋ na ekpa nɛ k maŋ daga so. Ndoŋ nna nɛ ewura Hɛzekaya kule le be kabɔrɛkule ere n sa bumo.

2 Kronikɛls 30:21

Basa nɛ b daŋ ba shɛr Jerusalɛm na daŋ ta nchɛ ashunu nna n ji bodobodo nɛ a maŋ kɔ yiisi be kejigboŋ na kagbenefuliso nɛ Livaiebi na nɛ bɔrɛmatapoana na bee boŋ nshɛ nsaa laŋ alaŋsɔ a di Enyɛnpe Ebɔrɛ epaŋ karechɛ kikɛ.

2 Kronikɛls 30:25

Amoso Judaebi na nɛ bɔrɛmatapoana na, nɛ Livaiebi na, nɛ Israɛlebi na, nɛ befɔ nɛ b wɔ Israɛl nɛ Juda be efuli so kikɛ be ŋgbene daŋ fuli bumo nna.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Danɛl 5:22

Fo mo pibinyɛn, Bɛlshaaza ere nyi asheŋ ere kikɛ nseŋ kini kebar fo kumu kaseto.

Levitikɔs 26:41

nɛ ma alɛ gba kilgi n tu bumo nseŋ shin nɛ b pɛ bumo anya n yɔ bumo doŋana be efuli so na. To, nɛ b chɛrga bumo be ŋgbene nseŋ fara a wora kusɔ nɛ k daga bre,

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Ashuŋ Shunso 17:34

Nɛ basa ko yɔ mo kutɔ n ya ki bebɛsopo. Bumo to be beko e daa la Dayɔnaisias, Ariɔpages be katuŋ na to be esa, nɛ kache ko nɛ baa tre Damaris na n ta beko malɛ gba n ti so.

Jeems 4:10

Men baa yɔɔ men be amu Ebɔrɛ be anishito nɛ e maŋ menyi so.

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.